Yekîtiya Niştimanî parêzvanê rasteqîne yê mafên pêkhateyan e

Kurdistan 02:14 PM - 2023-05-05

Hilbijartinên Parlementoya Kurdistanê

Yekîtiya Niştimanî ya Kurdistanê parêzvanê rasteqîne yê mafên pêkhateyan li Herêma Kurdistanê ye û niha hemû aliyên siyasî heta UNAMI jî piştevaniya pêşniyara Yekîtî bo dabeşkirina kursiyên pêkhateyan li ser parêzgehên Herêma Kurdistanê dikin, ji bo nehîştina yekdestdariya wan kursiyan û bidestxistina nûneratiya rasteqîne ya pêkhateyan di Parlamentoya Kurdistanê de.

Li ser serrastkirina qanûna hilbijartinê lihev kirin

Serokê fireksiyona Yekîtiya Niştimanî Ziyad Cebbar ji malpera fermî ya Yekîtî PUKMEDIA re ragihand: Yek ji xalên ku aliyên siyasî ji bo pêkanîna hikûmetê li ser li hev kirin, guhertina yasaya hilbijartinan bû, lê ev Lihevkirina girîng bi hincetên cuda hate paşguhkirin û niha jî dixwazin li gorî yasaya berê ku Yekîtiya Niştimanî ya Niştimanî, Tevgera Goran û partiyên siyasî yên din red dikin, hilbijartinan pêk bînin.
Got jî: Yekîtiya Niştîmanî û aliyên din yên siyasî û heta girseya xelkê Kurdistanê daxwaza serrastkirina yasaya hilbijartinan, pêdaçûna tomara dengderan û aktîvkirina komîsyona hilbijartinan berî lidarxistina hilbijartinên parlamentoya Kurdistanê dikin, ji ber ku ev yasa kevin bûye û em di wê baweriyê de ne ku dem hatiye ku ev qanûn were guhertin.
Wî jêderî eşkere kir: Berî zêdetirî salek û 3 rojan beriya bidawîhatina dema parlementoya Kurdistanê bi taybetî roja 3.11.2021ê me daxwaza serrastkirina yasaya hilbijartinan kir, lê mixabin heta roja îro ev daxwaza me nehatiye berçavgirtin.

Yekîtiya Niştimanî parêzvanê rasteqîne yê mafên pêkhateyan e

Endama Encûmena Serkirdatiya Yekîtiya Niştimanî ya Kurdistanê Hesîba Ebdullah dibêje: Yekîtiya Niştimanî piştevanê sereke yê mafên pêkhateyan e.
Û wê got jî ku hemû partiyên siyasî)û heta Neteweyên Yekbûyî jî piştgiriya pêşniyara Yekîtiya Niştimanî ya li ser dabeşkirina kursiyên pêkhateyan li ser parêzgehan dikin, ji bo ku rê li yekdestdariya dengên wan bê girtin.

Dabeşkirina kursiyê pêkhatî

Hesîbe Ebdullah dibêje: Yekîtî ji aliyên din zêdetir bi mafên pêkhateyan dilgiran e û hertim kar dike ku bibe sîwanek ku maf û mafên hemûyan diparêze.
Û wê got jî: “Mixabin, kursiyên pêkhateyan di Parlamentoya Kurdistanê de ji bo berjewendiya partiyeke taybet tê bikaranîn û heta niha pêkhateyan nekariye nûnertiya rasteqîne li Parlamentoya Kurdistanê de hebe.”

Nûnertiya rastîn a pêkhateyan

Çavdêrê odeya hilbijartinan Yasîn Hema Elî ji Tevgera Goran re dibêje: Mixabin di heyamên derbasbûyî de kursiyên pêkhateyan li Herêma Kurdistanê nebûne xwedî îrade û dengê rasteqîne yê pêkhateyan.
Got jî: Yek ji mercên aliyên siyasî ji bo pêkanîna hikûmeta nû, serrastkirina yasaya hilbijartinan û pêdaçûn li nav tomarkirina dengderan bû, lê mixabin ev yek pêk nehat ji ber wan astengiyên ku li pêşiya proseyê tên danîn.

Lihevhatina neteweyî li ser qanûna hilbijartinê

Yasîn Hemê Elî dibêje: Şanda Netewên Yekgirtî gelek caran ligel aliyên siyasî civiyan û pêşniyara me kirin ku bi rêkeftina hemû aliyên siyasî qanûna hilbijartinan biguherînin û em li ser wê yekê razî ne.
Got jî: Şanda Netewên Yekgirtî pêşniyar jî kir ku kursiyên pêkhateyan li ser parêzgehên Herêma Kurdistanê bên dabeşkirin û 2 kursî jî ji bo parêzgeha Silêmaniyê bên dayîn, da ku pêkhate bibin xwediyê nûneratiya rasteqîne li Parlamentoya Kurdistanê.


PUKMEDIA