Dadgehê 13 sale dosyaya Serdeşt Osman piştguhxistiye

PUKMEDIA

Dadgehê 13 sale dosyaya Serdeşt Osman piştguhxistiye

Dadgeha Hewlêrê 13 sale ku dosyaya terorkirina rojnamevan Serdeşt Osman piştguhxistiye.
Bi roja ronak rojnamewanek li ber çavên dehan polîs û sedan xwendevanên zanîngehê li bajarê Hewlêrê tê revandin û piştre jî tê teror kirin ku piştî 13 salan jî hîn jî, tawanbarên wê tawanê nehatine girtin û dadgeh çavên xwe li tawanbaran daxistiye, ev jî beşeke ji serkotkirina wan dengên azadî ku di raporta nevnetewî de seberat bi Herêma Kurdistanê tê behis kirin.

Dosyaya terorkirina Serdeşt Osman nehatiye daxistin

Birayekî şehîdê pênûs Serdeşt Osman ku di salvegera terorkirina birayê xwe de ji bo malpera fermî ya Yekîtiya Nîştimanî ya Kuridstanê (YNK)ê PUKMEDIA`yê re ragihand: "Ew kesanê nexşedarêjerin û terorkirina Serdeşt pêkanîne ji desthilata ewlehî û dadweriya Hewlêrê mezintir in û rê nadin ku ew dosyaya riya yasaya xwe wergire, di demekê de ye ku eşkire ye encamderên wê tawanê diyarin ku kîne û ji bo çi terorkirin".

Her weha di wê barê de, Beşdar Osman birayê şehîdê pênûsa azad Serdeşt Osman di dirêjahiya daxuyaniya xwe ji malpera PUKMEDIA`yê re wiha dibêje: "Eger dosyaya şehîd Serdeşt li cem hikumetê hatiye daxistin, lê bi yekcarî çêrê nakin, lê li cem me û li cem rojnamevanan û azadîxwazan ew dosyaya nehatiye daxistin û her maye, di demekê de ye ku tawanbarên terorkirina birayê min nehatine dadgehkirin û desthilata dozgerî û saziyên ewlehiyê di wê pirsgirêkê de hatiye bikaranîn."

"Gelek belgeh li ber destan hebû ku dikanîn kujerên Serdeşt destgîr bikin, lê ji aliyê karbedestên bilind ve yê hikumetê ve hatin pîne kirin û dosya li cem wan hate girtin." Beşdar Osman wiha got.

PUKMEDIA