Kabîneya nehemîn li Hewlêr û Duhokê azadî qedexe kiriye

Kurdistan 04:14 PM - 2023-05-02

Kabîneya nehemîn li Hewlêr û Duhokê azadî qedexe kiriye

Li Hewlêr û Duhokê binpêkirinên li dijî rojnamevan, çalakvan û dengên azad berdewam in û rojnamevan ji derveyî yasaya rojnamevaniyê ya Hikûmeta Herêma Kurdistanê û li ser girêdayîbûna bi  partiyan re  tên girtin û cezakirin. Di binpêkirina dawî de, tîmeke Zoom Newsê li Hewlêrê hat girtin û alavên wan ên rojnamevanî ji aliyê hêzên ewlehiyê ve hatin desteserkirin.
Nûçegihanê Zoom News Eyub Wartî li ser hesaba xwe ya Facebookê nivîsî: ‘’Telefonên destan û alavên me yên rojnamevanî bo çend demjimêran hatin desteserkirin û bi şertê ku em gotarên xwe yên rojnamevanî rakin, ji me re hatin vegerandin, di heman demê de ev pêncemîn binpêkirina me ye di du hefteyên borî de."
Kabîna  neh azadî li Hewlêr û Duhokê kuştiye
Endamê Lijneya Mafên Mirovan li Parlamentoya Kurdistanê Şadî Newzad ji PUKMEDIA re ragihand: Kabîneya nehemîn berpirsê binpêkirina rojnamevanan û azadiya derbirînê ye, mînaka herî diyar girtiyên  Badînan in. Şadî Newzad got: “Binpêkirinên li dijî rojnamevanan û mafê azadiya derbirînê, bi taybetî li Hewlêr û Duhokê, nave Herêma Kurdistanê xirap kiriye, lewra raportên navdewletî behsa wê dikin.

Bi piştgiriya partiyê bersûc serbest tê berdan 

Berdewamiya  belavbûna binpêkirinan li Hewlêr û Duhokê ji ber piştevaniya partiyan e.Newzad her wiha got: “Serbest berdana  tawanbaran bi  piştevaniya partiyan  bûye sedema zêdebûna binpêkirinan li

Hewlêr û Duhokê û rojane bûyer diqewimin.

"Li gorî kabîneyên din, kabîneya nehan, bi taybetî li Duhok û Hewlêrê, herî zêde binpêkirina li dijî rojnamevanan, azadiya takekesî û azadiya derbirînê heye." Şadî Newzad got.

Kabîneya nehemîn hat şermezarkirin

Kabîneya nehemîn para şêrê kêmbûna rojnamegeriyê heye û raporên navneteweyî jî vê rastiyê piştrast û şermezar dikin.
Endamê Parlamentoya Kurdistanê Azad Ekrem ji PUKMEDIA re ragihand: "Em ligel raportên navdewletî yên derbarê paşketina rojnamevaniyê li Herêma Kurdistanê ne û divê hikûmet bi çavekî din li rojnamegeriya Herêma Kurdistanê binêre."
“Hikûmeta Herêma Kurdistanê  di paşketina rojnamevaniya Herêma Kurdistanê de rola şêr bilîze.
Azad Ekrem got: “Piştgiriyek ji bo rojnamegeran nayê kirin, lê belê her wiha jî ji bo rojnamegeriyê ti derfetek ji bo pêşkêşkirina projeyan pêşkêşî serokatiya parlamentoyê nebûye.

Di navbera Silêmanî, Hewlêr û Duhokê de gelek cudahî hene

Parêzerekî wiha got: “Li Silêmanî û Hewlêr û Duhokê ferqeke mezin di navbera mafên mirovan de heye.
Serokê tîma parêzerên girtiyên li Badînan, Beşdar Hesen ji PUKMEDIA re ragihand: “Cawaziyeke mezin di navbera mafên girtiyan li Silêmanî û Hewlêr û Duhokê de heye û mafên girtiyan li Silêmaniyê zêdetir tê parastin.
“Li Silêmaniyê parêzer dikarin heftiyê 5 rojan serdana girtiyan bikin, lê li Hewlêrê mafê parêzeran tenê rojekê heye ku girtiyan bibînin, lê girtiyên Silêmaniyê beşdarî kursan dibin û dibêjin ku ew ji rêveberê zindana xwe gelek razî ne. Beşdar Hesen got.
“Girtiyên Hewlêr û Duhokê li gorî girtiyên Silêmaniyê ji gelek mafên din bêpar in û rastî cezayên taybet tên.Wek mînak dema girtiyekî di girtîgeha Silêmaniyê de pirsgirêk çêbike du sê roj tê cezakirin lê li girtîgeha Hewlêrê dema girtî pirsgirêk çêbike ji 15 roj heta mehekê tê cezakirin.

Kabîneya 9 ,navûdengê herêmê xirab kiriye

Rêxistina Lêborîna Navdewletî di daxuyaniyekê de binpêkirina mafên rojnamevanan di kabîneya hikûmeta Herêma Kurdistanê de bi nav kir û ew kiryara neyasayî binav kir .Wezareta Derve ya Amerîka û çendîn rêxistinên navdewletî weke Human Rights Watch raport û hevpeyvîn li ser mafên mirovan belav kirin. binpêkirin û rojnamevanan li Herêma Kurdistanê diyar kir ku binpêkirina sereke ya mafên rojnamevanan bandoreke neyînî li navûdengê herêmê dike.

YNK piştgiriya dengên azad dike

YNK hertim baweriya xwe bi rojnamevaniya azad hebûye û dê berdewam be li ser piştgîriya medyaya pîşeyî û hemû dengên wêrek û azad, weke berê jî piştevaniya dengê azad û azadiya rojnamevaniyê li Silêmaniyê kiribû.
Medyayeke azad heye û her kes dikare nêrîn û rexneyên xwe bîne ziman, ev yek dê berdewam bike û her kes li paytexta çandê dikare bi azadî ramanên xwe bêje.
PUKMEDIA