Talebanî: Pêywendiyên Herêma Kurdistanê dê hevseng bin

Buroya Çapemeniyê ya Qubad Talebanî

Cîgirê Serokwezîrê Herêma Kurdistanê Qubad Talebanî

Cîgirê Serokwezîrê Herêma Kurdistanê Qubad Talebanî ragihand ku Herêma Kurdistanê dê bi welatên cîran û cîhanê re peywendiyên hevseng pêş bixe.
Ev tekîd kirina Qubad Talebanî di hevdîtina bi Serokê Konseya Ewropayê ya ji bo Têkiliyên Derve û General David Petraeus bû.
Cîgirê Serokwezîrê Herêma Kurdistanê Qubad Talebanî li gel Serokwezîrê berê yê Swêdê û Serokê niha yê Encumena Peywendiyên Derve ya Ewropayê Carl Bildt civiya û behsa çawaniya bihêzkirina pêwendiyên navbera Kurdistan û Yekîtiya Ewropayê kirin.
Di civînê de ku roja pêncşemiyê 27.04.2023ê li çarçoveya Korbenda Aborî ya Delphî li Yunanistanê hat lidarxistin, Cîgirê Berpirsê Fermangeha Peywendiyên Derve ya Herêma Kurdistanê Daban Şadala jî amade bû.Her du alî hemfikir bûn ku divê Herêma Kurdistanê di vê qonaxê de zêdetir giringiyê bide bihêzkirina têkeliyên xwe li gel Swêdê û hemû welatên Yekîtiya Ewrupa û çawaniya bihêzkirina peywendiyan jî  hate gotûbêjkirin.
Li beşekî dinê vê hevdîtinê de behsa pêgeha  Herêma Kurdistanê li Êraqê hat kirin û di vê çarçoveyê de Qubad Talebanî got:’’Lê mixabin di deh salên borî de pêgeha kurd li Êraqê lawaz bûye , divê  em hemû hewlên xwe bidin bo bihêzkirina pêgeha kurd li Êraqê.’’
Di hevdîtinê de behsa peywendiyên Herêma Kurdistanê li gel welatên cîran jî hat kirin û her du alî li ser wê yekê hemfikir bûn ku Herêma Kurdistanê peywendiyeke hevseng ligel welatên cîran hebe.
Di çarçoveya Korbenda Aborî ya Delphî ya salane de, Cîgirê Serokwezîrê Herêma Kurdistanê li gel Dêvîd Petrayos, rêveberê berê yê Ajansa Îstixbarata Amerîkayê civiya û rewşa siyasî û emnî ya Kurdistan, Êraq , navçeyê û çawaniya rûbirûbûna terorê gotûbêj kirin.
PUKMEDIA