Beşdar Hesen: Şîrwan Şêrwanî li dadgehê ew tawana red kir

Kurdistan 02:58 PM - 2023-04-25

Başdar Hesen

Serokê parêzerên girtiyan li Badînanê ragihand, tawanên derbarê rojnamevan û çalakvan Şîrwan Şêrwanî li pêş dadwer hatine redkirin.

Şîrwan Şêrwanî bi kelepçe anîn dadgehê

Serokê parêzerên girtiyan li Badînan, Beşdar Hesen ji PUKMEDIA re ragihand: “Rojnameger Şîrwan Şêrwanî bi kelepçe li dest û lingên wî anîn dadgeha lêkolînê ya Deşta Hewlêrê ya li bajarê Kesnazan.”
Beşdar Hesen dibêje: “Piştre li ber dadwerê dadgeha lêkolînê ya Deşta Hewlêrê kelepçeyên wî rakirin û îfadeyên wî hatin girtin û bi serbestî li odeya dadwerî li ber destê birêz îfadeya xwe da Lêkolînerê dadwerî, birêz Zaito Sian,bi amedebûna  nûnerê UNAMI, ez û parêzer Bavil Şîrzad û Karzan Mihemed Emîn," Beşdar Hesen got.

Şîrwan Şêrwanî ev tawan red kir

Hêjayî gotinê ye ku Şîrwan Şerwanî li ser du dosyayên yekem giliya efserekî girtîgehê li gor madeya 229 û tawana duyem li şûna Guhdar Zêbarî, li gorî bendên 289-298'ê yên sextekirina şopa tiliyê, Şîrwan Şêrwanî her du tawan red kir û got ku ew ji wan tawanan bêguneh e.
"Herwiha Dr. Muna Yaqo, seroka Komîsyona Mafên Mirovan û Feyzullah, şêwirmendê serokê Komîsyona Mafên Mirovan, ji bo gotûbêjkirina her du dosyayên Şîrwan Şêrwanî, nîv saetê ligel dadwer civiyan," wî got. 
Berî niha 16.04.2023ê, Beşdar Hesen gotibû, “Dosyayeke din jî derbarê rojnamevan Şîrwan Şêrwanî de hatiye vekirin û bo dadgeha lêkolînê ya Deşta Hewlêrê hatiye vekirin, lê ji ber ku haya wî  ne ji Şêrwan û ne jî parêzerên wî hebû, dadgeh hat paşxistin.
PUKMEDIA