Serok Bafil: Hin herêm bûne zindanên dengên azad

Nivîsgeha Ragihandinê ya Serokê YNKê

Serokê Yekîtiya Niştimanî ya Kurdistanê Bafil Celal Talebanî

Serokê Yekîtiya Niştimanî ya Kurdistanê (YNK) Bafil Celal Talebanî bi boneya salvegera rojnamegeriya kurdî pîrozbahiyê li rojnamevanên kurd dike û got:“Di salên dawî de hinek deverên Herêma Kurdistanê bûne cihê tepisandin û zindankirina dengên azad.
Nivîsa peyama Serok Bafil 
Salvegera Rojnamegeriya Kurdî li rojnamevanên Kurd pîroz be û ji wan re berdewamî û serkeftinê dixwazim.
Rastiyeke nayê înkarkirin ku çapemeniya azad û azadiya derbirînê stûneke girîng a demokrasiyê û sembola pêşketina welat e. Mixabin di van salên dawî de hinek deverên Herêma Kurdistanê ne tenê di vî warî de pêş neketin, belkî bûne cihê tepeserkirin û zindankirina dengên azad. Li hemberî rojnamegeran sûcdarkirinên ne rewa tên kirin û dîmeneke nebaş a herêmê ji civaka navneteweyî re tê pêşkêşkirin.
Baweriya me bi rojnamegeriya azad û rojnamevanên wêrek heye. Me tu carî xwe di ser rexneyê re nedîtiye û em piştgiriyê didin her hewldanek ku xeletiyên xwe nas bike û riya rast nîşanî me bide. Ji ber vê yekê em ê li ser baweriyên xwe yên neguherbar berdewam bin û bi çapemeniya profesyonel û hemû dengên wêrek û azad re hevkariyê bikin.
Bafil Celal Talabanî
Serokê Yekîtiya Niştimanî ya Kurdistanê
PUKMEDIA