Hikûmeta Êraqê dê 400 milyar dînar Kurdistanê re dişîne

PUKMEDIA

Logoya Hikûmetên Êraq û Herêma Kurdistanê

Endamekî Encûmena Nûneran ragihand, hikûmeta Êraqê biryar daye 400 milyar dînar wek deyn ji Herêma Kurdistanê re bişîne.  “Di her rewşê de divê ev deyn bê vegerandin.’’
Endamê Fraksiyona Yekîtiya Niştimanî ya Kurdistanê (YNK) li Parlamentoya Êraqê Dr.Bryar Reşîd ji PUKMEDIA re ragihand: “Ew 400 milyar deynê banka dewletê ye bo Hikûmeta Herêma Kurdistanê.
Her wiha got:“Ev 400 milyar ji bo mûçeyên 2 mehan e heta ku bûdce were pesendkirin û bi her awayî divê ev deyn were vegerandin.’’
Meclisa Nûneran îro danê sibê xwendina xwe ya duyemîn a projeyasaya bûdceyê bi dawî kir . Biryare bûdce piştî cejnê bikeve dengdanê û pişka Herêma Kurdistanê %12.67 e.
Fraksiyona YNKê hewl dide vê rêjeyê zêde bike ji ber ku li gorî amarên dawî yên Wezareta Plandanan a Êraqê, hejmara rûniştvanên Herêma Kurdistanê li Êraqê %14 e.
Endamên fraksiyona YNKê daxwaza zêdekirina çend xalan di proje yasaya bûdceya Êraqê de kirin, daku maf û darayiyên xelkê Herêma Kurdistanê bên garantîkirin.
PUKMEDIA