Asayîşa Duhokê rojnamevan Omîd Baroşkî revandin

PUKMEDIA

Omîd Baroşkî

Asayîşa PDK li Dihokê Omîd Baroşkî revandin û careke din desteser kirin.Navenda Metro ya Parastina Mafê Rojnamegeran daxuyaniyek da û wiha got: "Girtin û revandina Omîd Baroşkî bê agahiya  dadgehê bû bêyî agahiya Sendîkaya Rojnamegeran jî."
Nivîsa daxuyaniyê.
Hêzên asayîşa Duhokê îro demjimêr 14 piştî nîvro bi ser mala rojnamevan Omîd Baroşkî ya li ser rêya KRO ya li navenda bajarê Duhokê de girtin û dest danîn ser hemû alavên wî yên rojnamevanî û heta pirtûkên wî jî desteser kirin.
Girtin û revandin Omîd Baroşkî bêyî agahiya Sendîkaya Rojnamegeran bûye her wiha bêyî agahiya  dadgehê, ku li dijî qanûna jimare 35 a rojnamegeriya kurdî ye.
Girtin û revandina Omîd Baroşkî, du giliyên nû li dijî Şêrwan Şêrwanî û careke din gazîkirina girtiyên  Badînan a azadkirî bo dezgehên ewlehiyê û pêş dadgehê.Em dibêjin, hewleke din heye bo armanckirina rojnamevan û çalakvanan li parêzgeha Duhokê, bi taybetî ewên ku piştî sizayeke nedadperwer hatibûn berdan.
Raporên nûnerên welatan û rêxistinên navdewletî yên li ser Herêma Kurdistanê tekezî li ser lawaziya azadiya ragihandinê û rojnamevaniyê dikin.
PUKMEDIA