Ji bo geştan ji nû ve dê xebatên dîplomatîk bên zêdekirin

PUKMEDIA

firokaxaneya Silêmanî

Yekîtiya Niştimanî ya Kurdistanê (YNK) ji bo çareserkirina pirsa girtina qada asmanî ya Tirkiyê li ser firokexaneya navdewletî ya Silêmaniyê ji aliyê dezgeha firokevaniya Tirkiyê ve berdewam e.

Di vê çarçoveyê de Cîgirê Serokwezîr Qubad Talebanî pêşwaziya Rosie Cave Konsula Giştî ya Berîtaniyayê li Herêma Kurdistanê kir û got: Xebatên dîplomatîk ên ji bo çareserkirina pirsgirêkan berdewam in û geşbîniya xwe jî nîşan da ku ew hewl dê encamên baş bidest bixin.

Berpirsa Fermangeha Peywendiyên Yekîtiya Kompanyayên Geştûguzariyê Almas Sabêr ji malpera fermî ya Yekîtiya Niştimanî ya Kurdistanê (PUKMEDIA) re ragihand: Silêmanî tê wateya herêma kesk, Yekîtiya Niştimanî ya Kurdistanê û bi taybetî Cîgirê Serokwezîr Qubad Talebanî ji bo vegerandina geştên asmanî hewleke gelek baş dane û em geşbîn in ji bo çareserkirina vê pirsgirêkê û vegerandina geştên asmanî bi rêya firokexaneya navdewletî ya Silêmaniyê.

Girtina geştên asmanî siyasî ye

Almas Sabir dobêje girtina van geştên asmanî siyasî ye û rê li ber dilxweşiya jiyana welatiyan digire. Silêmanî yekem bajar e ku beriya Hewlêrê firokexaneya xwe heye.
  Lê em dibînin ku di vê dema meha Remezanê de piraniya geştên asmanî yên li ser Tirkiyê hatine betalkirin, ev yek dê bandorê li bazar û dahata bajêr bike.”
PUKMEDIA