Parlamentoya Êraqê piştgiriya Silêmaniyê dike

Parêzgarê Silêmaniyê

Kongreya Hevbeş ya Şanda Nûneran û Parêzgeha Silêmaniyê

Şandeke Civata Nûneran ji bo lêkolînkirina bûyerê li firokxaneya navdewletî Silêmanî serdana parêzgeha Silêmaniyê kir û Serokê Lijneya Asayîş û Berevaniyê ya Encûmena Nûnerên Êraqê got: “Em bi hemû awayî piştgiriya parêzgeha Silêmaniyê dikin.
Serokê Lijneya Asayîş û Berevaniyê ya Parlamentoya Êraqê Ebas Zemlî îro li Silêmaniyê di civîneke çapemeniyê de ragihand:"Em her êrîşek li ser xaka Êraqê bi taybet êrîşa li ser firokexaneya Silêmaniyê şermezar dikin û daxwaz ji hikûmeta Êraqê dikin ku raportekê derbarê êrişên Tirkiyê pêşkêşî Neteweyên Yekbûyî bike û em bi hemû awayî piştgiriya parêzgeha Silêmaniyê dikin."
Zamlî wiha got: "Ji ber ku Komîteya Ewlekarî û Parastinê serdana cihê bûyerê kir û dê rapora me pêşkêşî Serokê Meclisa Nûneran bikin."
Di vê navberê de Parêzgarê Silêmaniyê  Dr. Heval Ebûbekir ji welatiyan re aramiya bajêr piştrast kir û got: “Şanda Encûmena Nûneran ji nêzîk ve çavdêrî û lêkolînê li ser rawestandina geştên esmanî yên Tirkiyê li ser firokexaneya Silêmaniyê û êrîşa li ser firokexaneyê bike.
Her wiha got: “Şandê piştevaniya xwe nîşan da û tekez kir ku her êrîşek li ser Silêmanî û Herêma Kurdistanê êrîşek e bo ser tevahiya xaka Êraqê û dê kar bikin da ku careke din ev binpêkirin neqewimin’’.
Êvara 7-4-2023 êrişî firokxaneya navdewletî ya Silêmaniyê hat kirin û  ew bû sedema berteka encamên navxweyî û derve.
PUKMEDIA