Wezîra Koç û Koçberan: Ti desthilata me li ser kampên awareyan li herêmê nîne

PUKMEDIA

Îvan Fayq wezîra koç û koçberan

Wezîra Koç û Koçberan di hikûmeta federal de Îvan Fayq Cebro tekez kir ku ti desthilateke wezaretê li ser birêvebirina kampên koçberên li Herêma Kurdistanê nîne.

Wezîra Koç û Koçberan di hevpeyvînekê de ligel kanala El-Reşîd got: Ti desthilata me li ser birêvebirina kampên Herêma Kurdistanê nîne û em hêvîdar in ku Hikûmeta Herêmê rê bide malbatên aware yên ku dixwazin vegerin û alîkariya me di dawîkirina dosyaya koçkirinê de bikin rê veke.

Cebro daxwaz ji Serokê Partiya Demokrata Kurdistanê Mesûd Barzanî kir ku binpêkirinên endamên partiya xwe li dijî koçberên wan kampên parêzgehên Hewlêr û Duhokê rawestîne û got: Berpirsê kampên Herêma Kurdistanê. Wezareta Navxwe û rêveberiya nava kampan jî yê rêxistina Barzanî ne.
Wezîr her wiha got: Em spasiya Hikûmeta Herêmê dikin ku ev jimareke mezin ji awareyan girtiye lê divê derî li ber wan bê vekirin û rê bidin ku vegerin warên xwe, ne ku rê li ber wan bê girtin .
Wezîr tekez kir ku gelek raporên navdewletî hene ku behsa binpêkirinên li kampên koçberên Herêma Kurdistanê dikin û got: Li Herêma Kurdistanê 26 kamp hene, yek ji wan heta niha nehatine girtin.

Li Herêma Kurdistanê ti vîna rasteqîn ji bo bidawîkirina dosya koçberan nîne

Wezareta Koç û Koçberan di dawiya sala 2021ê de ragihandibû hemû kampên awareyan li parêzgehên Êraqê ji bilî Herêma Kurdistanê hatine girtin.
Wezîra Koç û Koçberan Îvan Faîq Cebro roja 18.12.2021 di daxuyaniyeke rojnamevanî de ragihand: Wezaretê ji bilî kampên Herêma Kurdistanê hemû kampên koçberan li hemû parêzgehan girtin.
Eşkire kir jî ku di heyama vê mehê de (Kanûna yekem 2021) kampa dawî ya koçberan li Mûsilê dê were girtin ew kampa Cedaa ye.
Herwaha got girtina kampên herêmê zehmete ji ber ku ti desthilata wezaretê li ser wan nîne û ser bi hikûmeta Herêmê ve ne, lê wezaret hemahengiyê li ser girtina kampên Duhok, Hewlêr û Silêmaniyê dike. Wezaret piştgiriya vegera xwebexş dike, lê di wê baweriyê de ye ku ti îradeyek rasteqîne ji aliyê Herêma Kurdistanê ve ji bo bidawîkirina dosya awareyan nîne.
Cebro amaje bi wê yekê jî kir ku wezaret nikare fişarê li Hikûmeta Herêma Kurdistanê bike ji bo girtina kampan, lê ew daxwaz dike ku deriyekî diyalogê li gel hikûmeta federal hebe ji bo bidawîkirina dosya koçberan.

Koçber ji azadiya tevgerê bêpar in

Human Rights Watch di raportekê de ku roja 21.10.2021 hat weşandin, ragihand ku desthilatên ewlekarî yên Êraqî û hikûmeta Herêma Kurdistanê bi awayekî ne yasayî azadîya çûnûhatina awareyan di kampên awareyan de sînordar dikin, tevî nebûna şer û pevçûnan li herêmê. û destûr nayê dayîn ku welatî bi azadî ji kampan derkevin.
Human Rights Watch got ku divê desthilatên Êraqî û Hikûmeta Herêma Kurdistanê sînordarkirinên neqanûnî li ser azadîya çûnûhatina awareyan rakin, di nav wan de yên ku di encama şerê Mûsilê de aware bûne. Nabe ti sînor li ser wan bê ferzkirin ji bilî yên ku "ji hêla qanûnê ve ...  ku tedbîrên pêwîst ji bo parastina ewlehiya nateweyî û aştiya giştî yan sîstema giştî an jî parastina tenduristî an edab an jî parastina maf û azadiya din. Ku di paymana navdewletî ya taybet bi Mafên Sivîl û siyasî de hatiye dayîn.

PUKMEDIA