Partiyên Kurdistanî êrîşa li ser balafirxaneya Silêmaniyê şermezar dikin
Kurdistan 03:13 PM - 2023-04-09Hilweşîna pûtê otorîter û dîktatoriyê
Êvara 7-4-2-ê Balafirgeha Navneteweyî ya Silêmaniyê bû hedefa êrîşên hewayî bi rêya balafirên bêmirov ên Tirk. Partiyên Kurdistanî ev êrîş şermezar kirin û bi binpêkirina serweriya Êraqê bi nav kirin û daxwaz ji hikûmeta Herêma Kurdistanê û hikûmeta Êraqê kirin ku bi awayekî cidî li hember vê binpêkirinê bêdeng nemînin û sînorekê ji dijminan re deynin.
Mekteba Siyasî ya Yekîtiya Niştimanî ya Kurdistanê
Mekteba Siyasî ya Yekîtiya Niştimanî ya Kurdistanê (YNK) êrîşa li ser balafirxaneya Silêmaniyê şermezar kir û got:’’ Êrîşa li ser Firokexaneya Navdewletî ya Silêmaniyê planeke pêşwexte ji bo îstixbarat û sîxuriya derve û navxweyî, ku weke anîna artêşa dagirker bo Herêma Kurdistanê ye, ji ber vê yekê em vê êrîşê bi tundî şermezar dikin, me li bendê bû ku rayedarên peywendîdar li şûna ku ev sûc bi çavan rewa bikin, tedbîr bigirin, lêkolîn bikin û şermezar bikin.’’
Tevgera Gorran
Ji aliyê din ve Tevgera Gorranê di daxuyaniyekê de bi tundî êrîşa li ser firokexaneya navdewletî ya Silêmaniyê şermezar kir û got: “Em bang li saziyên fermî dikin ku hemû tedbîran ji bo parastina aramî û asayîşa parêzgeha Silêmaniyê û tevahiya Herêma Kurdistanê bigirin.’’
Partiya Sosyalîst Demokrat a Kurdistanê
Partiya Sosyal Demokrat a Kurdistanê (PDK) êrîşa li ser firokexaneya Silêmaniyê şermezar kir û got: “Ev êrîş nayê qebûlkirin û em bi tundî şermezar dikin, ji ber ku li dijî tevahiya gelê Herêma Kurdistanê ye, emê gelê Kurd û xaka Kurdistanê biparêzin”.
Partiya Niştîmanî ya Kurdistanê
Partiya Niştimaniya Kurdistanê êrişê wek karekî tirsonek dinirxîne û dibêje: “Ev êrîş li dijî tevahiya gelê Kurd û xaka Kurdistanê tê dîtin û hemû aliyên siyasî yên Kurdistanê dixe pêşiya berpirsyariya dîrokî û divê helwesteke zelal nîşan bidin.
Partiya Kesk a Kurdistanê
Partiya Kesk a Kurdistanê bi tundî êrişa li ser firokexaneya navdewletî ya Silêmaniyê şermezar kir û got: “Armanckirina firokexaneya sivîl ne tenê binpêkirina serweriya Êraqê ye, herwiha metirsî li ser jiyana welatiyên kurd e.Pewîste li Silêmaniyê mîtîng bê kirin, helwesta xwe diyar bikin û li dijî êrîşê li Dîwana Edaletê ya Navneteweyî tedbîrên hiqûqî bigirin."
Partiya Komunîst a Kurdistanê
Partiya Komunîst a Kurdistanê armanckirina firokexaneya Silêmaniyê şermezar kir û got: Firokexane saziyeke sivîl û destkefteke girîng a gelê me ye û berpirsyariya me hemûyan bi taybet hikûmeta Herêma Kurdistanê û hikûmeta Êraqê ye ku gelê xwe biparêzin. Diyar e beşek ji van kiryarên dijminane sûdwergirtina ji valahiya navbera hêzên siyasî û her du navçeyan e. "
Tevgera Rizgariya Demokratîk a Kurdistanê
Tevgera Rizgariya Demokratîk a Kurdistanê jî êrîş şermezar kir û got: "Ev êrîş xizmeta dijminên gelê Kurd dikin. Dijminên gelê me bi armanca têkbirina aştî, serkeftin, jiyana hevbeş û yekitiya Kurdistanê dixwazin."
Partiya Azadiya Kurdistanê
Li ser bûyerê Partiya Azadiya Kurdistanê daxuyaniyek da û got: "Em bi tundî armanckirina firokexaneya Silêmaniyê û her hewlên din ên weke armanckirina xak û gelê me ji aliyê dijminan ve şermezar dikin. Hêjayî gotinê ye ku ev hewla terorîstî û dijminane li dijî welatiyan û hikûmeta Herêma Kurdistanê ne cara yekem e."
Hevbendiya Niştimanî
Hevpeymaniya Niştimanî derbarê êrîşa li ser firokxaneya Silêmaniyê wiha got:“Em nerazîbûna xwe li hember vê êrişê nîşan didin û ev êriş Êraq û navçeyê dixe metirsiyê, ji ber wê jî tu behane nîne ku em li hember vê pirsê bêdeng bimînin, ji ber ku têkdana ewlehiya Silêmaniyê û derdora wê têkdana ewlehiya Êraqê û navçeyê ye.”
Partiya Rizgariya Kurdistan
Partiya Rizgariya Kurdistanê helwesta xwe derbarê êrîşa li ser firokexaneya navdewletî ya Silêmaniyê eşkere kir û got:“Em van tawanên rejîma Tirk bi tundî şermezar dikin û bang li civaka navdewletî dikin ku rejîma Tirkiyê weke rejîmeke terorîst bipejirînin, ji ber ku ew bi berdewamî kiryarên terorîstî dike û li pêş çavê hemû cîhanê piştevaniya komên terorîst dike.
PUKMEDIA
hewal ziyatr
-
7 sal bi ser koça dawî Newşîrwan Mistefa re derbas bû
09:56 AM - 2024-05-19 -
74 hejmara heftaneya dîjîtal a Îngilîzî hat weşandin
09:46 AM - 2024-05-19 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
09:51 PM - 2024-05-18 -
Encumena Nûneran serokekî nûh hildibjêre
11:27 AM - 2024-05-17
zêdetir tamaşe bike
Kurdistan 10:47 AM - 2024-05-19 Salvegera yekemîn hilbijartinên parlamentoyê bi awayekî azad û demokratîk
Nêrweyî: Nûçeya Xebat peyameke îstixbaratê ye
06:27 PM - 2024-05-18
YNKê li gorî destûrê hewl dide pirsgirêkan çareser bike
02:02 PM - 2024-05-18
Di salvegera koça dawî ya têkoşer Adil Murad de
10:19 AM - 2024-05-18
Serok Bafil: Pêwîstiya me bi hilbijartinên dadmend heye
07:38 PM - 2024-05-17
zortrin xwendraw
-
Nêrweyî: Nûçeya Xebat peyameke îstixbaratê ye
Kurdistan 06:27 PM - 2024-05-18 -
Di salvegera koça dawî ya têkoşer Adil Murad de
Kurdistan 10:19 AM - 2024-05-18 -
YNKê li gorî destûrê hewl dide pirsgirêkan çareser bike
Kurdistan 02:02 PM - 2024-05-18 -
Hêzên Pêşmerge, artêşa Iraqê û hêzên hevpeyman civîneke bilind li dar dixin
Kurdistan 09:51 PM - 2024-05-18 -
74 hejmara heftaneya dîjîtal a Îngilîzî hat weşandin
Cîhan 09:46 AM - 2024-05-19 -
Salvegera yekemîn hilbijartinên parlamentoyê bi awayekî azad û demokratîk
Kurdistan 10:47 AM - 2024-05-19 -
7 sal bi ser koça dawî Newşîrwan Mistefa re derbas bû
Kurdistan 09:56 AM - 2024-05-19