Mezlûm Ebdî: Ez û karwanê Hevpeymaniya Navdewletî û hêzên CTG li cihê bombebaranê bûn

NORTH PRESS

Mazlûm Ebdî

Fermandarê Giştî yê Hêzên Sûriyeya Demokratîk (HSD) General Mezlûm Ebdî hûrgiliyên bombebarana ku ew bi şandeke HSDê ku Hevpeymaniya Navdewletî ya li dijî rêxistina terorîst a DAIŞê û hêzên Dije Terorê (CTG) Înê li Silêmaniyê hatibûn armanc girtin ji ajansa North Press re eşkere kir.
Ebdî di hevpeyvîneke taybet de bi North Press re, li ser hûrgiliyên bombebaran û armancgirtinê axivî.

Naveroka diyalogê wiha ye:
Peywendiyên di navbera we û Yekîtiya Niştimanî de çawa ne?
Peywendiyên me û Silêmaniyê peywendiyên li ser bingehên neteweyî û berjewendiyên hevbeş in û dîrokî ne, ev berjewendî û peywendî di şerê Kobanê yê sala 2014an de derketin û bi geşedanên li bakurê rojhilatê Sûriyê re hatin yekkirin, her wiha bû hevpariyeke rast li hember metirsiya hatina Dewleta Îslamî (DAIŞ) li her du aliyên Êraqî û Sûriyê, em van peywendiyan diparêzin û  û ew pêwendî ji tektîkên demkî pirtir prensîbin.

Te li Silêmaniyê çi dikir? Bombebaran rasterast bi ser we de bû?
Belê, ez bi şandeke leşkerî ya QSD’ê re li wir bûm. Bombebaran di dema ku em di karwaneke bi leşkerên Koalîsyona Navdewletî û Hêzên Dijî Terorê (CTG) de bûn pêk hat.

Li gel ajansên dije-terorê yên Êraq û Herêma Kurdistanê bi zanyariyên Hevpeymaniya Navdewletî bo şerê li dijî DAIŞê odeyên me yên operasyonên hevbeş hene û ew herdem encamên baş ji bo aramiya her du aliyên Êraqî û Sûriyê derdixin.

Bi dîtina we sedema rastî ya vê bombebaranê çi ye?
Ev peyameke eşkere ya tirkan e ku ew dijayetiya têkiliyên me yên navneteweyî ne û dixwazin wan xerab bikin, Erdogan ji bo ku di hilbijartinên dahatû de bi ser bikeve û tevilheviyê daîm derxe da ku Rêveberiya Xweser li bakur û rojhilata Sûriyê nemîne û rê li pêş dagîrkirineke nûh veke.

Gelo ev armanc dê bandorê li karê we yê rasterast û eşkere li bakurê rojhilatê Sûriyê di pêvajoya serkêşî û yekkirina Rêveberiya Xweser de bike?
Bê guman tiştek nîne ku karibe pêvajoya avadankirin û aramiyê rawestîne, bi salan me xebat kiriye û em berdewam dikin, parastina gelê xwe ji her êrîşeke ku ji aliyê Tirkiyê û yên din ve tên tehdîdkirin, karê me ye û em ji bo vê yekê dixebitin.



PUKMEDIA