Al-Monitor: Rawestandina geştên esmanî yên balafirgeha Silêmaniyê tolhildan e

Kurdistan 03:53 PM - 2023-04-06

Seferên balafiran ên di navbera Tirkiye û Silêmaniyê de hatin rawestandin

Al-Monitor radigihîne:“Rawestandina seferên bi Tirkiyê re tolhildan e û qurbaniyên ketina helîkopterê HSD ê ye ku dostê Amerîkayê ye.
Al-Monitor ragihand: "Enqera geştên xwe yên ji bo Balafirgeha Navneteweyî ya Silêmaniyê rawestand, ji bo tolhildana têkiliyên partiyeke mezin a siyasî li Kurdistana Êraqê bi Hêzên Sûriyeya Demokratîk re, ku dostên nêzîk ên Amerîkayê ne."

HSDê xwediyê qurbaniyan e û dostê Amerîkiyan e

Li gor raporta Al-Monitor ku roja 5/4ê hatiye weşandin:"Ev tevger tê piştî ketina helîkoptereke şervanên Kurd li ser rêya Silêmaniyê, asêgeha Yekîtiya Niştimanî ya Kurdistanê (YNK )ye yek ji du hêzên siyasî yên sereke li Kurdistana Êraqê, û di encamê de 9 şervanên Kurd jiyana xwe ji dest dan."
"Hêzên Sûriyeya Demokratîk (HSD) ku hevalbendên Amerîka ne, kesên ku hatine kuştin endamên hêzên xwe yên bijarte ne," Al-Monitor ragihand.

Mesrûr Barzanî axivî

Serokwezîrê Herêma Kurdistanê Mesrûr Barzanî ragihand:’’ Ew helîkopter AS350 Eurocopter a YNKê bû û 5 endamên Partiya Karkerên Kurdistanê (PKK) ku hevrikê sereke yê Partiya Demokrata Kurdistanê (PDK) ye, tê de bûn. "Partiya Demokrata Kurdistanê (PDK) hevrikê sereke yê Yekîtiya Niştimanî ya Kurdistanê (YNK) ye ku serweriya PDKê dike. Berovajî hevrikê xwe yê bi serokatiya Mesûd Barzanî, PDKê pêwendiyên xwe yên nêzîk bi Enqerê re heye."

HSDê û PKK ne wek hev in

Tirkiyê Hêzên Sûriyeya Demokratîk (HSD) û PKKê wek hev nîşan dide û zextê li Washingtonê dike ku pêwendiyên xwe ligel wê hêzê qut bike. PKK, ku li çiyayên bakurê Êraqê ye, nêzîkî çar deh sal in ku şerê hikûmeta Tirkiyê ji bo xwerêveberiya li hundirê Tirkiyê dike.
Waşîngton li gel Enqere û çend paytextên din ên Rojava, PKK’ê weke rêxistineke terorîst dibîne, lê dibêje “HSDê  û PKK ne weke hev in.
"Di mehên dawî de têkiliyên di navbera YNK'ê û şervanên Kurd de kûrtir dibin. Serokê YNK'ê Bafil Talebanî di dawiya sala borî de serdana Bakurê Sûriyeyê kir ku di bin kontrola Kurdan de ye û bi Fermandarê Giştî yê Hêzên Sûriyeya Demokratîk (HSD) Mazlûm Kobanê re civiya).

Encûmena Asayîşa Herêma Kurdistanê seferên balafiran rawestand

Parlamenterê berê yê Êraqê Hoşyar Ebdullah li ser hesabê xwe yê facebookê wiha got: “Ragihandina Wezareta Derve ya Tirkiyê li ser sedemên rawestandina geştên esmanî heta asteke mezin heman tohmetan di manşeta rojnameya Hewlêrê û daxuyaniya Encûmena Asayîşa Herêma Kurdistanê de hebûye û ne mimkûne ku çavkaniya zanyariyên Wezareta Derve ya Tirkiyê jî heman daxuyaniyê nebîne. Ji xeynî heman daxuyaniya li derveyî Tirkiyeyê ku ji aliyê çapemeniya PDK’ê ve gelek eleqedar bû!”.

Kêmek xema ewlekariya herêmê bin!

Hoşyar Ebdullah got jî’’:Bibêjin ku agahiyên di daxuyaniya Encûmena Asayîşê de ji sedî 100 rast bûn, gelo ev agahî di manşetan de û di medyayê de cih digirin yan jî di astên din de kar li ser tê kirin?" Dipirse: “Kesê ku alfabeya ewlekariya herêmê bizane û bi ewlekariya herêmê bifikire, nakokiyên siyasî nahêlin ku welatekî wek Tirkiyeyê li dijî bajarekî herêma xwe teşwîq bike."

YNK ji bo şerê DAIŞê amade ye

Dezgeha Şopandina PUKMEDYA dibêje:’’Têkoşîna YNKê ya siyasî, dîplomatîk û pêşmergetiyê li çiya û bajaran ji bo maf û kurdayetiyê û ji bo xatirê Kurdistanê ne vala ye, ji ber wê jî armanca siyasî ya YNK’ê weke hêzeke siyasî ya têkoşîna Kurdistanê ku bi navê (Yekîtiya Nîştimanî ya Kurdistanê) ye û serokê yekîtî di yekemîn civîna YNK’ê de got: YNK ne daşê Êraqê ye” ev jî tê wê wateyê ku her beşeke

Kurdistanê cihê têkoşîna YNKê ye.

Yekîtiya Niştimanî hêzeke Kurdistanî ye ku ji bo tevahiya Kurdistanê şer dike, eger metirsiya DAÎŞê li ser Kurdistanê hebe yekîtî amade ye ji bo parastinê çawa xwe gihand Hewlêrê û Kobanê ji ketinê rizgar kir , ji bo niha û paşerojê jî ew amade ye ku xwe bighîne her perçeyeke din ji Kurdistanê û metirsiya terorîstê dûr bixe. Ji vê re tê gotin kurdbûna resen, ne slogana kurdayetiyê yên ne rast û wek hêzên din ên ku li dijî kurdayetiyê derdikevin û pêşde diçin êrîşî kurd û kurdayetiyê dikin.
PUKMEDIA / Jêder: Al-Monitor