Bi hewlên YNK... Helebçe li benda rêkerên parizgehbûnê ye

PUKMEDIA

Encumena Nûneran

Encumena Nûneran di rûniştina xwe ya îro Yekşemê de li ser xwendina yekem ya proje yasaya avakirina parêzgeha Helebçe li Komara Êraqê gotûbêj , Ev pirojeyekî giringe ku Yekîtiya Niştimanî ya Kurdistanê ev çend sal in kar ji bo yasakirina wê di parlamentoyê de kiriye, daku dadmendiya qurbaniyan û malbatên şehîdan dabîn bike û bi awayekî ku hêjayî wê qurbanîdanê ye wan qerebû bike.

Hewldaneke berdewam bo xizmetkirina Helebçe

Nûnera Yekîtiya Niştimanî Biryar Reşîd ji malpera fermî ya Yekîtiya Niştimanî PUKMEDIA re ragihand: Ev demeke dirêje Yekîtiya Niştimanî hewl dide dengdan li ser proje yasaya hesabkirina parêzgeha Helebçe wek parêzgehek nû li komara Êraqê.
Got jî: ev proje qerebûkirineke biçûke bo xelkê bajarê Helebçe ye, herweha ku pêngaveka giringe bo piştevanîkirina parêzgehê, û di heyama borî da jî me gelek kar kirîye bo piştevanîkirina parêzgeha Helebçe wek dabînkirina derman û benzîn bi awayekî serbixwe û weke parêzgehek bi hemû aliyan ve mijûl dibe.

Pêdiviya me bi hin rêkar heye

Nûner Biryar Reşîd dibêje: Îro xwendina yekem ya projeyasaya hesabkirina parêzgeha Helebçe li komara Êraqê bi dawî dibe.
Got jî: Piştî wê dive komîteya herêm û parêzgehan divê bicivin û li ser vê pirojeyê gotûbêj bikin û hevahengiyê bi her komîteyeke din re bikin da ku di zûtirîn dem de pirojeyê ji bo dengdanê amade bikin, paşê xwendina duyem were kirin û piştî wê jî dê civînek bê kirin ji bo dengdana li ser projeyê terxan kirin.

Şêwir berdewam in

Nûner Bryar Reşîd dibêje: Me di Yekîtiya Niştimanî ya Kurdistanê de şêwirînên berdewam li gel fireksiyonên din yên parlementoyê kirine da ku hemû rêkar bi dawî werin û ti pirsgirêk dernekeve ku rêgiriyê li pesendkirina projeyê bike.
Got jî: Divê em hevsengîya di navbera fireksiyonên parlemanî de berçav bigrin û piştî bi dawî hatina xwendina yekem, fireksiyona Yekîtîya Niştîmanî bi hevkarî digel hemû fireksiyonên parlemanî kar bike daku bi zûtirîn dem ev proje derbas bibe.

PUKMEDIA