Cindirêsê bi sloganan ‘’Efrîna Efrîna Kurdan e’’

AFP

Cindirêsê û bi slogan ‘’Efrîna Efrîna Kurdan e’’

Li bajarê Cindirêsê yê herêma Efrînê, bi hezaran welatiyên Kurd ji hemû navçeyên herêmê li bajarê Cindirsê kom bûn. Welatiyên Kurd ji her çar aliyên herêmê bi karwanên otomobîlan ji sibeha roja sêşemê ve berê xwe dabûn nav bajarê Cindirêsê û bi slogan ‘’Efrîna Efrîna Kurdan e’’.
Bi hêrs û coşeke mezin, welatiyên Kurd kuştina her çar welatiyên kum şeva Newrozê li bajarê Cindirêsê yê Efrînê li ser destê grûpa çekdar a Ehrar el-Şerqiye ya opozisyona Sûriyê hatibûn kuştin, protesto kirin û siloganên azadiyê bi dengê bilind xwendin.
Xwepêşanderan daxwaza desttêwerdan û parastina navdewletî kirin.
Keçek kurd ku li xwepêşandanê beşdar bû bangî hemû cîhanê kir ku êdî vê zilm û zordariyê li ser xelkê Efrînê rakin.
Xwepêşandereke Kurd dibêje "Em dixwazin di malên xwe de rûnên, em sîleh naxwazin. 5 sal in em di bin zilmê de ne, êdî bes e ji vê zilmê re. Ez nizanim lê yê ku vê bûyerê kir 4-5 mirov ji malbatekê kuştin. Em azadiyê dixwazin."
Jinek ji kesûkarên qurbaniyan li naverasta Cindirsê û li pêş xwepêşanderan hawar dike û divêje xwezî ez li gel zarokên xwe şehîd bibûma.
Kesûkara qurbaniyan dibêje "Bila ez bi zarokên xwe re çûbûma, şehîd biketima. Bila ez îro li şna vana şehîd biketama. Heqê mirov qet wenda nabe. Kurmanc namirin. Şefîd namirin."
Nîvroja sêşemê, cenazeyê her çar qurbaniyan guihîşte nav bajarê Cindirêsê û ji aliyê bi hezaran welatiyên kurd ve hatin pêşwazîkirin.
Şeva Newrozê, dema ku çend welatiyên kurd ji yek malbatê agirê Newrozê li pêş mala xwe li bajarê Cindirêsê dadabûn, hejmarek çekdarên Ehrar el-Şerqiyê ew ji berê ve dabûn ber guleyan û demildest 3 welatiyên canê xwe ji dest dabûn, û 2 kes jî birîndar bûbûn. Li nexwşxaneyê birîndarekî canê xwe ji desta û hejmara qurbaniyan bû çar kes.
Ji bo derbirîna nerazîbûnê û protestokirina kuştin û birîndarkirina 4 welatiyên kurd li ser destê çekdarên opozisyona Sûriyê ya girêdayî Tirkiyê, reşgirêdana giştî li Efrînê hatiye ragihandin.
Cenazeyê 4 Kurdên ku li Cindirê agirê Newrozê pêxistin hatin kuştin, hatin veşartin û i Efrînê dijî kuştina wan welatiyan xwepêşandan hat kirin.
Bi hezaran xelkê tevahiya herêmê berê xwe dane Cindirêsê û li wir xwepêşandanê dikin. Termên qurbaniyan jî gihîştine Cindirêsê da ku bi xakê bên spartin.
Ji bo derbirîna nerazîbûnê û protestokirina kuştina û birîndarkirina welatiyên kurd li ser destê çekdarên opozisyona Sûriyê ya girêdayî Tirkiyê, reşgirêdana giştî li Efrînê hatiye ragihandin û xelkê tevahiya herêmê di li Cindirêsê bicivin û xwepêşandanê bikin.
Jêder Ragiyandên Kurdistanî û Sûrî
PUKMEDIA