Warisên enfalkiriyan li berdem Encumena Wezîran kom bûne

Kurdistan 01:17 PM - 2023-03-20

Kombûna beşek ji warisên enfalkiryan li berdem encumena wezîran

Ev du roj in warisên Enfalkiriyan li Hewlêrê li ber Encumena Wezîran kom bûne û daxwaza vegerandina mûçeyên xwe yên ku 2 sal in bi hinceta du mûçe hatiye qutkirin, kirin. Endamekî parlementoya Kurdistanê jî dibêje Hikûmet û Wezarata Şehîdan xemsarin.

Parlamenterê Fraksiyona YNKê li Parlamentoya Kurdistanê Mela Nasir Ehmed ji malpera fermî ya YNKê PUKMEDIA re ragihandiye: Hikûmet li hember warisên şehîdan û mexdûrên Enfalê xemsar in, heta mafên kêm ên darayî jî nabînin, her wiha hemû maf û îmtiyaz ji mîratgirên şehîdên bajarên din ên Êraqê re hatine dayîn. 

YNK daxwaza başkirina jiyana warisên enfalkiriyan dike, lê hikûmetê bê bersive

Nûnerên me weke Fraksiyona YNKê di Komîteya Şehîdan de çendîn car daxwaza xweşkirina jiyana warisên enfalkiriyan û şehîdan kirine lê heta niha ti bersiv ji hikûmetê wernegirtine û wezîrê şehîdan jî xemsariyê di xizmetkirina wan de dike.
Herwaha got: ‘’Mafê warisên qurbaniyên Enfalê ye ku hemû tedbîrên medenî ji bo daxwaza mafên wergirin û daxwaza wan mafan bikin ku warisên şehîdên Êraqê werdigrin.


PUKMEDIA