Qubad Talebanî bi Serokwezîrê Êraqê re civiya

Ofîsa Qubad Talebanî

Qubad Talebanî bi Serokwezîrê Êraqê re civiya

Cîgirê Serokwezîr Qubad Talebanî pêşwaziya Serokwezîrê Êraqê Mihemed Şîe Sûdanî kir û di civînê de pêşhatên dawî yên siyasî û peywendiyên navbera Herêma Kurdistanê û Bexdayê gotûbêj kirin.
Di civînê de ku di 15ê Adara 2023an de li Silêmaniyê hat lidarxistin, tekezî li ser giringiya pabendbûna bi çareseriya destûrî ya pirsgirêkan hat kirin.
Derbarê pesendkirina proje yasaya bûdceyê li civata wezîrên Êraqê de, her du alî li ser wê yekê hevdeng bûn ku piştî pesend kirina wê di parlementoyê de, her du hikûmeta federal û ya Herêmê bi cîhbicîh kirina wê proje yasayê pabend bin û ti behane û astengî çênebin.
Qubad Talebanî, got jî; Xalên girêdayî Herêma Kurdistanê yên di proje yasaya bûdceyê de hemû dikarin bên cîbicîkirin, tekez kir ku ti rêyeke din nîne ji bilî rêkeftina di berjewendiya giştî de.
Di dawiyê de, Qubad Talebanî spasiya Serokwezîrê Êraqê ji bo serdana Silêmaniyê kir û piştgiriya xwe ji bo serkeftina kabîneya xwe dûpat kir û hêvî xwest ku bi hev re bikarin li ser pirsgirêkan re derbas bibin û xizmeta baştir ji welatiyan re bikin.
Di civînê de wezîrên plandanîn, navxwe, koç û koçberên Êraqê, wezîrê pilandananê yê Herêma Kurdistanê, parêzgarên Silêmanî û Helebce û çavdêrên yekeyên îdarî yên Germian û Raperîn amade bûn.
PUKMEDIA