Mekteba Siyasî: Divê zêdetir xizmet û geşbûn ji Helebce re bê kirin

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê (YNK) bi boneya 35emîn salvegera kîmyabarana Helebce peyamek belav kir.“Trajediya Helebce birîneke dîrokî ye ku di laşê welat û neteweya me de nehatiye dermankirin û gelê me û YNK di wê baweriyê de ne ku tişta ji bo vî bajarî hatiye kirin hêj kêm e û ne li gor qurbaniyên mezin in, ji ber ku gelê Helebce zêdetir heqê wan e.”
Teksta peyamê:
Daxuyaniya Mekteba Siyasî bi boneya 35 saliya Kîmyabarana Helebce
Salvegera kîmyabarana Helebce û derdora wê bi rûxandina rêjîma Baas birîneke dîrokî ye, bê derman e di laşê welat û miletê me de ye.
Êşa mirovî ya vê karesatê, Helebce kir nasnameya neteweya bindest, ku di heman demê de li hember êş û azarên ku bi serê gelê me de dihatin, wijdanê mirovatiyê hejand.
YNK hem rasterast û hem jî bi rêya hikûmeta Herêma Kurdistanê kar kiriye,bo dermankirina birînên parêzgeha Helebce û xizmetkirina vê doza berfireh di warê xweşî û xizmetguzariyê de, êş û janên xelkê Helebce têgihîştin, bê dudilî ji bo wê têdikoşin.Em di wê baweriyê de ne ku tişta ji bo vî bajarî hatiye kirin hêj kêm e û ne li gor qurbaniyên mezin in, ji ber ku gelê Helebce zêdetir heqê wan e.”
Îsal di rojê 13 adarê di nêzîkbûna vê salrojê de, civata wezîrên Êraqê tedbîrên federalî yan jî proje yasaya parêzgehkirina Helebce pesend kir, ku em hêvîdar in di nêzîktirîn derfetê de bi yasaya federalî weke parêzgeha nozdemîn were hesibandin.
  Ev pêngav weke berpirsyariyeke exlaqî û îdarî  ye ji bo vekirina derfetên zêdetir ji bo xizmetguzarî, dewlemendî û tezmînatê ye.
Em tekezî li ser wê yekê dikin ku hem Hikûmeta Herêma Kurdistanê û hem jî Hikûmeta Federal li gorî şanaziya bajêr xizmet û geşbûna zêdetir pêşkêş bikin.Em bejna xwe li hember ruhê şehîdên Helebce û hemû şehîdên Kurd û Kurdistanê ditewînin û wefadarî û keda xwe ji bo malbatên qurbaniyan û birîndaran dubare dikin.
Buroya Siyasî
Yekîtiya Niştimanî ya Kurdistanê
PUKMEDIA