Di Dîdarê de metirsî û çarekirina pirsgirêkên Herêm û Êraqê hatin pêşkêşkirin

Kurdsat News

Heftemîn Dîdara Silêmanî

Di heftemîn dîdara Silêmanî de piştî gotara bi xêrhatina serokê zanîngeha Amerîkî- Silêmanî ji mîvanan re, D.Berhem Salih û Sekretera Giştî yê Neteweyên Yekbûyî û serokwezîrê Êraqgotar pêşkêş kirin, Kontêrêz ragihand ku: Divê mafên microvan bê parastin.

Heftemîn Dîdara Silêmanî derfeteke bo bidestxistina rêyên çareseriyê

Serokê zanîngeha Amerîkî li Silêmanî D.Bruce Ferguson di destpêka dîdarê de gotarek pêşkêş kir û bi xêrhatina mîvana kir û ragihand ku: Em hêvîdar in ku civîna heftemîn a li Silêmaniyê bibe derfetek ji bo gotûbêjên kûr û dîtina çareseriyan, bi taybetî dema ku em behsa (Piştî 20 salên Êraq û navçeyê di nava alingariyên nû yên cîhanî de) dikin,hewldanek be bo çareserkirina pirsgirêkan.

Bidawî anîna rêjîma berê mezintirîn destkefê seday berê bû

Piştre Dr. Serokomarê berê yê Êraqê D.Berhem Salih bixêrhatina mêhvanan kir û kêfxweşiya xwe anî ziman ku civîna Silêmanî derfetek bû ji bo dîtina kesayetiyên siyasî û pispor û got: Zanîngeha Amerîkî zanîngeheke neqezenc û bêalî ye û armanca wê perwerdekirina nifşekî hişyar li ser mijarên hestiyar e.
D.Berhem ragihand ku: Mijara xizmetkirina welatiyan dê mijareke girîng a dîdarê be, bi taybetî piştî 20 sal rûxandina rêjîma berê ya Êraqê, pêwîste em bizanin di vê heyamê de me çi kiriye û divê em çi bikin?çûnkê xelk li benda me ne.

Siba salvegera Helebçe ye ku ji aliyê rÊjîma berê ya Êraqê ve bi kîmyabaran hat bombebarankirin, heta niha jî xelkê wê parêzgehê li pey xizmetguzariyên zêdetir û jiyaneke baştir in.

Gendeliyê ji holê rakin û mafên mirovan biparêzin

Sekreterê Giştî yê Netewên Yekbûyî Antonio Guterres di peyameke vîdyoyî de got: "Em dixwazin zêdetir giringiyê bidin karê xwe li seranserê Êraq û navçeyê, bi taybetî li Êraqê, ku em dizanin ku şiyanên Êraqiyan bo çeksaziyê heye.
Got jî: Min vê dawiyê serdana Iraqê kir û min dît ku ew dikare pêşkeftinên zêdetir bibîne û derfetên zêdetir ji ciwanan re peyda bike, gendeliyê ji holê rabike, mafên mirovan biparêze, pirsgirêkên avhewa çareser bike û rê nede ku Iraq, welatê du çeman, çavkaniyên xwe yên avê zuwa bike.

Herêm bi hêz be Êraq bi hêz dibe

Ji aliyê din ve serokwezîrê Êraqê Mihemed Şîa Sûdanî di gotarekê de di civîna li Silêmaniyê de got, kabîneya wî piraniya ajandayên Encûmena Wezîran cîbicî kiriye û dê aramiya siyasî û aborî pêk bîne.

Di berdewamiya axaftina xwe de wiha got: Di salvegera bi êş a tawana hovane ya ku rêîma dîktator li dijî gelê me yê Kurd li bajarê Helebçeyê pêk anî, ev bûyerek xemgîn e. Me beriya du rojan di Encumena Wezîran de deng da projeya veguherîna wê wek parêzgehek ku herî kêm em dikarin berdêla fedakariyên wan ên mezin bi vê yekê bidin.

El-Sudanî herwiha pesna "hewldanên ji bo lihevkirina serkirdeyên siyasî yên Kurd ji bo yekkirina rêzan daye û em piştgiriya van hewlan dikin" nirxand. Wî her wiha got, "Em li bendê ne ku hevkariyên aborî yên kûr û domdar ku me bi gelên bira û dost re bîne cem hev û em xema ewlehiyê bi wan re diguherînin. Bi hevkariya aborî ya bi bandor encax ewlekariya domdar pêk tê."
Herwiha tekez kir ku, em ti carî qebûl nakin ku axa Êraqê bibe destpêkek ji bo metirsiyê li ser asayîşa navçeyê û destûra me jî me ferz dike ku destwerdanê di karûbarên hinekên din de nekin, çawa ku em qebûl nakin ku rûmeta gelê Iraqê. ax û serweriya me ji taxan an jî ji yên din bê bandor kirin.

Got jî: Herêm bi hêz be Êraq jî bi hêz dibe û eger Êraq bi hêz be Herêm bi hêz dibe û piştevanê li yekrûziya serkirdeyên kurd dikin

Bi hev re li şikest û serkeftinên Êraqê de beşdar bûn

Serok Barzanî di dirêjahiya axaftina xwe de spasiya Serokayetiya Zanîngeha Amerîkî ya li Êraqê kir ji bo lidarxistina vê dîdarê û got: Ez bi navê xelkê Helebçe, Herêma Kurdistan û Êraqê spasiya serokwezîr Mihemed Şiya Sûdanî dikim ji ber hewlên wî yên jidil ji bo temamkirina rêgarên parêgarbûna Helebçe.ji vir ve em ji hikûmeta Êraqê daxwaza qerebokirina qurbaniyên kîmyabaranê dikin, bi destûrê jiyaneke baştir ji wan re peyda bikin û budçeyeke taybet ji Helebçeyê re terxan bikin.

“Em hemû hevparê şikestin û serkeftinên Êraqê ne, bi taybet piştî 20 salan ji rûxandina rêjîma berê, û berpirsyariyeke me ya girîng heye ku em jiyaneke xweştir ji Êraqiyan re peyda bikin.
  Ez daxwaz dikim ku li gor destûr û li gor lihevkirina navbera Herêma Kurdistanê û Êraqê qanûnek guncaw di mijara petrol û gazê de were derxistin.
Di hevdîtinê de Nîçîrvan Barzanî got: Mijara avhewayê mijareke girîng e û divê em li ser vê yekê helwestê nîşan bidin, nemaze piştî ku dane diyar kirin ku heta sala 2050’î dê gelek welat ji ber guherîna avhewayê neçar bimînin ku koç bikin ku Êraq yek ji wan welatan e, lewma divê em daxwaz ji Îran û Tirkiyê bikin ku rê negirin li berdana avê bo Êraqê da ku welatê me ji vê metirsiyê dûr bixin.

Di berdewamiya axaftina xwe de got: Kêfxweş im ku alî nêzîkê hilbijartinan bûne û xitimandina berê ji holê rabûye û em wek Hikûmeta Herêma Kurdistanê dê hemû hewlên xwe bidin ji bo diyarkirina roja hilbijartinên îsal.

Yekem civîna Silêmanî di sala 2013an de li zanîngeha Amerîkî bi sernavê “Guherîna Jeopolîtîk li Rojhilata Navîn” hat lidarxistin. Civîna duyemîn di sala 2014an de, civîna sêyemîn di 2015an de, civîna çaremîn di sala 2016an de, civîna pêncemîn di sala 2017an de û civîna şeşemîn jî di sala 2017an de tê lidarxistin.
Civîna Silêmaniyê ji sala 2020 heta 2022 ji ber vîrûsa koronayê nehat lidarxistin.
Di sala 2023’an de jî heftemîn civîna bi sernavê “Piştî 20 salan Êraq û herêm di nava alangariyên nû yên cîhanî de” tê lidarxistin.

PUKMEDIA