Civînê bi dirûşmeya “Piştî 20 salan Êraq û navçe di nava Alangariyên nû yên cîhanî de” dest pê kir

PUKMEDIA

Serok Bafil Talebanî û serokwezîrê Êraq Mihemed Şeyai

Serokê Yekîtiya Niştimanî ya Kurdistanê (YNK) Bafil Celal Talebanî û şandeke pê re bi xêrhatina mêhvanan kir ku ji Serokwezîrê Êraqê Mihemed Şeya Sûdanî, Serokê Herêma Kurdistanê Nêçîrvan Barzanî û Nûnera Taybetî ya Sekreterê Giştî yê NY li Êraqê Jennifer Plaschardt û şanda li gel, Serokê Encumena Bilind a Dadwerî ya Êraqê Fayeq Zêdan, hejmareke zêde ya serkirdeyên partiyên siyasî yên Herêma Kurdistanê û Êraqê, balyoz û konsul û hejmareke berçav ji dîplomatên Herêma Kurdistanê kir û gihîştin Silêmaniyê û wê beşdarî dîdara Silêmanî bibin ku 2 rojan berdewam dike.

Îro 15-3-2023 bo cara heftemîn zankoya Amerîkî ya Silêmaniyê dîdarekî bi vî rengî lidar dixe û mijarên weke siyaset, aborî, jîngeh, yasa, mafên mirovan, tendirustî, enerjî û gelek mijarên din ên giring dê bên gotûbêj kirin.

Di civîna du rojî de, rewşenbîr, pispor û berpirsên herêmê û cîhanê dê bicivin û li ser mijarên herî girîng ên herêmê gotûbêj bikin û nêrîn û xalên lihevnekirinê pêşkêş bikin, ev derfetek degmene ji bo komkirina kesên eleqedar bi karûbarên herêmê. diyalogeke siyasî û stratejîk ku di cîhana îro de girîng e.


Dîdara Silêmanî rastî girîngiyeke mezin a medyayê hat û gelek hevpeyvîn û alingariyên agahiyan bi kesayetiyên navdar re encamp da, ku di dawiyê de dê pêşniyazî û çareser bo pêşhat û kêşey navxweyî û cîhanî dîxe berçav.

Dirûşmeya civîna îsal “Piştî 20 salan Êraq û navçe di nava alangariyên nû yên cîhanî de” ye.

Ji bilî beşdarên civînê, hejmareke zêde ya rojnamevan û kenalên medyayî yên navxweyî û biyanî mijûlî rûmalkirinê ne û weke bûyereke medyayî ya girîng tê dîtin.
Dîdara Silêmanî hewl dide raman û nîqaşan wergerîne ser kiryar û siyasetên berbiçav ku bikarin guhertinekê di jiyana mirovan de çêbikin.
Konferansa Silêmanî konferanseke siyasî ya di asta bilind de ye ku li ser Rojhilata Navîn û Afrîqaya Başûr disekine
 ew her sal ji aliyê peymangeha Lêkolînên Herêmî û Navdewletî li Zanîngeha Amerîkî ya Silêmaniyê (IRIS)  birêve diçe. Ji bo dîdara îsal jî di rojên 15 û 16ê Adara 2023an de ku hevdem e bi salvegera azadkirina Êraqê ji aliyê Amerîkayê ve bi amadebûna çendîn kesayetiyên siyasî, bîrmend û pispor dest pê kir.

Yekem civîna Silêmanî di sala 2013an de li zanîngeha Amerîkî bi sernavê “Guherîna Jeopolîtîk li Rojhilata Navîn” hat lidarxistin. Civîna duyemîn di sala 2014an de, civîna sêyemîn di 2015an de, civîna çaremîn di sala 2016an de, civîna pêncemîn di sala 2017an de û civîna şeşemîn jî di sala 2017an de tê lidarxistin.
Civîna Silêmaniyê ji sala 2020 heta 2022 ji ber vîrûsa koronayê nehat lidarxistin.
  Di sala 2023’an de jî heftemîn civîna bi sernavê “Piştî 20 salan Êraq û herêm di nava alangariyên nû yên cîhanî de” tê lidarxistin.


PUKMEDIA