Kampîna keskirina Kurdistanê digihêje navçeya Pêncwên

PUKMEDIA

Kmpîna çandina milyonek dar

Li ser biryar û pêşniyara Serokê Yekîtiya Niştimanî ya Kurdistanê Bafil Celal Talebanî, helmeta niştimanî ya çandina milyonek dar û keskkirina Kurdistanê berdewam e, duh yekşemê kampîn giheşte sînorên navçeya Pêncwên.

Qaymeqamê navçeyê Zana Rehman di dema beşdarbûna xwe di kampînê de behsa giringiya kampînê kir û bang li aliyên hizbî û veberhêneran kir ku projeyan bi vî rengî pêk bînin û beşdarî parastina jîngeha Kurdistanê bibin û wiha got: “Welatiyên  qezayê bi girîngî li kampînê dinirin û destxweşî li serok Bafil Talebanî dikin.
Ji aliyê xwe ve, nûnerê ofîsa Serok Bafil Celal Talebanî di kampînê de Husên Hema Kerîm got: “Me dest bi qonaxeke nû ya kampanyaya xwe li projeya darastana Kîlo li Taxa Pêncwên û Parka Daristanî ya Raziane kiriye, ku me tê de hejmareke mezin ji şitlan çand, Got jî: Navçeya Pêncwên bi gelek daristanên xwe yên xwezayî tê naskirin, lê belê di plana Rêveberiya Daristanan a Parêzgariya Silêmaniyê de bo zêdekirina rûbera kesk li navçeyê.
Derbarê mijarê de, nûnerê Rêveberiya Daristanan li Silêmaniyê Elî Ehmed got: "Kampîna rêjeya nifûsa navçeyê li ber çavan digire, ku li gorî wê şitlên pêwîst têne dabînkirin, bi mebesta dabînkirin û misogerkirina jîngeheke saxlem ji bo gel.
Li gor amarên Rêveberiya Daristanên Silêmaniyê, rûbera kesk a parêzgehê 12 milyon û 780 hezar metre çargoşe ye û bi vî awayî rêjeya rûbera kesk tê de digihe 19.6%, ku ev rêjeya herî zêde ye li hemû parêzgehên Êraqê. û bi vê kempîna ku ji aliyê Serokê Yekîtiya Niştimanî ya Kurdistanê ve hatiye destpêkirin, dê rêje bi awayekî berçav zêde bibe.
Di daxuyaniyeke rojnamevanî de li daristanên Ezmar li Silêmaniyê roja 28.12.2022, nûnerê serok Bafil Husên Hema Kerîm û rêveberê dezgeha daristanên wî bajarî Hewkar Celal kampînek ji bo çandina milyonek dar ragihandin. Li ser biryara Serok Bafil Celal Talebanî, û tekez kirin ku kampîn berdewam dike heta (1/6/2023) Hemû pêdiviyên ji bo pêkanîna kampînê ji aliyê ofîsa Serok Bafil ve hatine veqetandin.

Serok Bafil Celal Talebanî di 47mîn salvegera damezrandina Yekîtiya Niştimanî de roja 1/6/2022 de ragihand: Em xwezaya bedew a Kurdistanê ji bîr nakin û ji niha û pê ve emê kampanyaya çandiniyê ragihînin. Ji bo welatê me kesk bikin li herêmên cuda milyonek dart ê çandin.

PUKMEDIA