Qubad Talebanî sîstema yek pencereyî vedike

Nivîsgeha Ragihandina Qubad

Ragihandina sîstema yek pencereyî ji aliya Qubad ve

Cîgirê Serokê hikumeta Herêma Kurdistanê Qubad Talebanî ji bo meşandina welatiyan di nava dezgehên hikûmetê de, sîstema yek pencere vekir.

Qubad Talebanî di serdana xwe ya bo avahiya parêzgariya Silêmaniyê ku yek ji dezgehên ku sîstema yek pencerî tê de hatiye cîbicîkirin ragihand: Kêfxweş im ku vê sîstemê weke beşeke giring ji projeya xizmetguzariyê cîbicî be û diyar kir: pêşkêşkirina baştirîn xizmetguzarî bo hemwelatî yek ji wan karên ku dikeve ser milê me ye.
Cîgirê Serokwezîrê got jî: Sîstema yek pencereyî îro li 5 dezgehên hikûmetê li parêzgeha Silêmaniyê hat cîbicîkirin û di paşerojê de jî dê sîstem li hemû dezgehên hikûmetê jî were cîbicîkirin.
Yek ji baştiyên sîstema yek pencereyê ew e ku hemwelatî karûbarên xwe di yek pencerê de pêşkêş dike, û di heman pencerê de bersiv û encama karûbarên xwe distîne û karmend berpirsiyariya şopandina muamale ode bi ode ye. ku dibe sedema jiholêrakirina rutîn û rê li ber gendeliyê digire.
Daîreyên ku bi sîstema yek pencereyê ve girêdayî ne, parêzgeha Silêmaniyê, Rêveberiya Baca Dahatê, Rêveberiya Ewlekariya Civakî, Rêveberiya Polîsên Windayan û Rêveberiya Xercên kampaniyan in.
Ji aliyê xwe ve Semîr Hewramî Berdevkê Cîgirê Serokwezîrê Herêma Kurdistanê di daxuyaniyekê de ji malpera fermî ya Yekîtiya Niştimanî ya Kurdistanê PUKMEDIA re ragihand ku, sîstema yek pencereyê dikeve çarçoveya projeya otomatîkkirina kar û baran ya rêveberiyan û dezgehên hikûmetê, û beşek ji projeya xizmetguzariyê ye, ku di pêşxistina formula ku tê de xizmet tê de tê pêşkêş kirin, ji bo hemwelatiyê, û pêkanîna danûstandinên wî di nav dezgehên dewletê de hêsantir, û rakirina rutîn û rê li ber gendeliyê girtin. Wî got jî ku "sîstêm dê di qonaxa xwe ya yekem de li 5 dezgehên hikûmetê li Silêmaniyê dest bi kar bike, û piştre dezgehên din jî bigre nav xwe" û amaje bi wê yekê jî kir ku "sîstema hemû dezgehên parêzgehên din û herwiha dezgehên serbixwe dihewîne."
Hewramî tekez kir: “Yek ji baştiyên sîstema pencereya yekalî ew e ku hemwelatî danûstandina xwe di yek pencereyê de pêşkêş dike û di heman pencerê de bersiv û encama danûstandinê distîne. ev yek dibe sedema ji holê rakirina rutîn, û ya paşîn rê li ber gendeliyê digire.
Peyvdarê cîgirê serokwezîrê herêma Kurdistanê di berdewamiya axaftina xwe de got: Ev yek di çarçoveya pirojeya xizmetguzariyê ya Qubad Talebanî ya di çarçoveya pakêta projeyên ku di sala 2013an de pêşkêş kiribûn de, ji projeya çaksaziyê û otomasyona kar û barên hikûmetê. ku paşê were destpêkirin, wekî qeydkirina biyometrîk, xizmetguzarî, qeydkirina kampaniyan, yasaya kar, û dîjîtalkirina hin saziyên hukûmetê.
PUKMEDIA