Talebanî: Em piştgiriya derxistina yasaya petrol û gazê dikin

Buroya Çapemeniyê ya Alîkarê Serokwezîr

Civîna Qubat Talebanî li gel Desteya Rêveber a Şîrketa Dana Gazê

Cîgirê  Serokwezîr Qubad Talebanî bi Desteya Rêveber a Şîrketa Dana Gazê Îmaratî re civiya û  ragîhand; Pejirandina yasaya petrol û gazê bi rezamendiya hemû aliyan dê jîngeha sermayerazandinê di vê sektorê de berfirehtir û baştir bike.
Di civîna ku roja 07.03.2023ê li bajarê Silêmaniyê û bi amadebûna Ehmed Muftî Cîgirê Wezîrê Çavkaniyên Xwezayî hat lidarxistin, çawaniya karê kompaniya Dana Gazê li Kurdistanê û guhertinên dawî yên siyasî hate gotûbêjkirin.
Bi boneya salvegera azadkirina Silêmaniyê, Qubad Talebanî amaje bi serhildana gelê Kurd kir û piştre ronahî xiste li ser pêşhatên dawî yên siyasî û peywendiyên navbera Herêma Kurdistanê û Bexdayê.
Cîgirê Serokwezîr behsa hewlên ji bo amadekirina yasaya neft û gazê li Êraqê kir û got: Em piştgiriya derxistina yasaya neft û gazê dikin ku bi razîbûna hemû aliyan were pesendkirin, ji ber ku pesendkirina yasayê dê berfirehtir û baştir dike  jîngeha veberhênanê.
Di hevdîtinê de şanda Dana Gas plan û pêşiniyên xwe yên xebatê pêşkêş kirin û hewlên Qubad Talebanî ku di warê ewlekarî û hêsankirina karê wan de li qada Kormorê alîkariya wan kiriye, bilind nirxand.
PUKMEDIA