720 hezar kes ferq di serjimêryariya Hewlêr û Bexdayê de heye

Kurdistan 06:52 PM - 2023-03-06

Welatiyên Herêma Kurdistanê

720 hezar kes  ferq di serjimêryariya  Hewlêr û Bexdayê de heye
Ferq di Hejmara niştecihên Herêma Kurdistanê di navbera Hewlêr û Bexdayê de zêdetirî 720 hezar kes e, ev jî tê wê wateyê ku hejmara zêde ya Hewlêr û Duhokê 14 qat e , ji ya Silêmaniyê û Helebce ye zêdetire.
Yek ji xalên rêkeftina di navbera dezgeha hilbijartinan ya YNKê û mekteba hilbijartinê ya PDKê ji bo hilbijartinên bê yên parlamentoyê ew e ku pişta xwe bi amarên Êraqê bê girtin ku di hilbijartinên niha yên parlamentoya Êraqê de hatiye bikaranîn, ji ber ku amarên Herêma Kurdistanê li gorî amarên Êraqê gelek cuda ne.

Salek û du statîstîk

Li gor malpera fermî ya Yekîtiya Niştimanî ya Kurdistanê (YNK) û li ser bingeha amarên Êraqê û amarên Herêma Kurdistanê nifûs (722 hezar û 829) kes ferq heye .
Hejmara niştecihên Herêma Kurdistanê di sala 2020an de li gorî amarên Êraqê (5 milyon û 449 hezar û 360) kes, lê li gor amarên  Herêma Kurdistanê (6 milyon û 172 hezar û 83) kes tomarkirî ne û li hember hev du amaran (722 hezar û 723) kes zêdetir  ferq heye.

Amarên Hewlêrê

Li gor amarên Êraqê hejmara rûniştvanên Hewlêrê 1 milyon û 903 hezar û 609 kes e, lê li gor amarên Kurdistanê hejmara niştecihên Hewlêrê 2 milyon û 255 hezar û 422 kes e, ku 351 hezar û 813 kes ferq heye.

Amarên Silêmaniyê

Li gorî amarên Êraqê, hejmara rûniştvanên Silêmaniyê û Helebce (2 milyon û 219 hezar û 193) kes in, lê li gorî amarên hikûmeta Herêma Kurdistanê 2 milyon û 268 hezar û 50 kes in û ferqa wê jî (48 hezar û 857) kes e.

Amarên Duhokê

Li gor amarên Êraqê hejmara xelkê Duhokê (1 milyon û 326 hezar û 558) kes hatine tomarkirin, lê di amarên Hikûmeta Herêma Kurdistanê de hejmara rûniştvanên Duhokê (1 milyon û 648 hezar û 611) kes e, ferq (322 hezar û 53) kes e.
Ferqa di navbera Hewlêr û Silêmaniyê de 14 qate 
Cûdahiya giştî di navbera amarên Hewlêr û Bexdayê de (722 hezar û 723) kes e, ferqa herî mezin dikeve ser parêzgehên Hewlêr û Duhokê (673 hezar û 866) ku ji amarên Bexdayê zêdetir e, ku Hewlêr û Duhok ji Silêmaniyê û Helebçe yê   14 qat zêdetire .

Amarên plansaziya Êraqê rasttir in

Berpirsê Lijneya Hevrêzî û Çavdêriyê ya Dezgeha Hilbijartinan Letîf Nêrweyî ji malpera fermî ya Yekîtiya Niştimanî ya Kurdistanê (PUKMEDIA) re ragihand:  "YNK dê tekezî li ser amarên Wezareta Plandanan a Êraqê ji bo hilbijartinên bê bike, ji ber ku cudahiyeke mezin di navbera amarên nifûsa Herêma Kurdistanê û amarên Wezareta Plandanan a Êraqê de heye."
Letîf Nêrweyî got:’’ Li Êraqê amarên  Wezareta Plandanînê ji amarên Wezareta Bazirganiyê rasttir e, ji ber wê jî eger em dixwazin hilbijartinên dadmendane bên lidarxistin, divê em pişta xwe bi amarên Wezareta Plandanan a Êraqê ve girêbidin, encamên hilbijartinan Wê bandoreke mezin li ser encamên hilbijartinan bike."

Nifûsa Herêma Kurdistanê %14ê Êraqê ye

Li gor amarên dawî yên nifûsê yên Wezareta Plandanan a Eraqê, wêneyek ketiye destê PUKMEDYA. Serjimara giştî ya Herêma Kurdistanê (5 milyon û 884 hezar û 23) kes, ku %14ê nifûsa Êraqê ye.
Xwe dispêre amarên plansaziya Êraqê
Endama Parlamentoya Eraqê ji Fraksiyona YNKê Dr.Narmîn Merûf ji PUKMEDIA re ragihand:Wezareta Pilandananê berpirsê ji serjimêriya Êraqê re, her belgeyeke wan hebe dê li ber çavan bê girtin û pişta xwe bi wê bê girtin, ku mixabin ferqeke mezin di navbera amarên nifûsa Hewlêr û Bexdayê de heye.

Di navbera Hewlêr û Bexdayê de ferqeke mezin serjimêriya heye

Organîzatorê Odeya Pêwendiyên Dîplomasî ya Tevgera Gorran cudahiya mezin di navbera niştecihên Herêma Kurdistanê de li gorî amarên Bexda û Hewlêrê piştrast dike.
Rêkxerê Odeya Pêwendiyên Dîplomasî ya Tevgera Gorran Dr.Hoşyar Omer ji PUKMEDYA re ragihand: “Ji cudahiya serjimêriya Hewlêr û Bexdayê ku zêdetirî 722 hezar kes e, nêzîkî 700 hezar kes ber Hewlêrê û Dihukê dikevin.”
Piştî nêzîkî sê salan ji serjimêriya nifûsa Herêma Kurdistanê di sala 2020an de ku bi giştî 6 milyon û 172 hezar û 83 kes bû, li gorî amarên dawî 20/9/2022 yên Wezareta Plandanan a Êraqê ku hejmara niştecihan bi (5 milyon û 884 hezar û 23 kes) ku cûdayî 288 hezar kese. Li gorî amarên Herêma Kurdistanê yên sala 2020 û 2022ê yên Êraqê, tê pêşbînîkirin ku ferqa Herêma Kurdistanê bigihe zêdetirî yek milyon kesî.
PUKMEDIA