YNK û 5 partiyên Kurdistanî hilbijartinên dadyane dixwazin

PUKMEDIA

CivînaYNK û pênc partiyên Kurdistanê

Bi mebesta pêşde birina kar û xebata hevbeş û tekoşîna hevbeş a di navbera aliyên di proseya siyasî ya Herêma Kurdistanê de, Kargerê  Mekteba Siyasî, Berpirsê Mekteba Pêwendiyan û Berpirsê Desteya Peywendiyên Kurdistanê pêşwaziya şandeke hevbeş a ji pênc aliyên Kurdistanî pek dihat  kir.
Bi mebesta pêşde birina kar, xebat û tekoşîna hevbeş a di navbera aliyên di proseya siyasî ya Herêma Kurdistanê de, Rizgar Elî Kargerê Mekteba Siyasî, Emîn Babaşêx  Berpirsê Mekteba Pêwendiyan û Salar Serhed Berpirsê Desteya Peywendiyên Kurdistanê pêşwaziya şandeke hevbeş a pênc partiyên Kurdistanî yên Herêma Kurdistanê kir, ku ji Cebar Mîrza Rostemî Sekreterê Partiya Niştimanî ya Kurdistanê, Barûn Omer Fetah Sekreterê Tevgera Çaksaziya Niştimanî, Malko Fares (Malko Bazianî), Serokê Partiya Kesk a Kurdistanê, Ebdulqadir Hemîd (Qadirşwanî),Partiya Demokrata Pêşverû ya Kurdistanê, Şêx Elî Sekreterê Tevgera Aştiya Kurdistanê pêk dihat.
Di hevdîtinê de şanda her pênc partiyên Kurdistanî tekez li ser wê yekê kirin  ku ji bo serxistina proseya siyasî û afirandina şert û mercên hilbijartinên dadmend li ser bingeha sererastkirina yasaya hilbijartinan , komîsyonê û paqijkirina lîsteya dengderan, hemû hewl û şiyanên  aliyên siyasî pêşbikeve ji bo zêdetir komkirina aliyên siyasî û berdewamiya peywendiyên dostane di navbera hev  de ji bo yekxistina nav mala Kurd û  destxweşî li destpêşxeriyên YNKê kirin.
Di beşeke din ya hevdîtinê de şanda mêvan amaje bi wê yekê jî kir ku di hemû qonaxên xebata siyasî de, wan xwe wek hevkar û piştgirê siyaseta rast a YNKê di pirsên niştimanî de dîtine.
Di bersivê de şanda YNKê hevdengiya her 5 aliyên Kurdistanî bilind nirxand û tekez kir ku, ji ber baweriya bi siyaseta gulan di proseya siyasî û rêveberiya YNKê de siyaseteke naguhere û hertim li ser wê yekê tekez dike.
Di dawiyê de biryar hat dayîn ku ji bo çareserkirina jpirsgirêkên jiyana gelê Kurd û sererastkirina rêya rêveberî û hevrêveberiyê ev civîn berdewam bikin.
PUKMEDIA