Serok Bafil: Divê nûnerên neteweyan ên rastîn bin

Nûsîngeha ragihandina serokê YNKê

Serok Bafil û Rayan Kaldanî

Serokê Yekîtiya Niştimanî ya Kurdistanê (YNK) Bafil Celal Talebanî li Dabaşanê pêşwaziya Sekreterê Giştî yê Tevgera Babil Rayan Kaldanî kir.
Di hevdîtinê de pêşhatên dawî yên siyasî yên Êraq û Herêma Kurdistanê hatin gotûbêjkirin û tekez li ser pêwîstiya hemahengî û xebata hevbeş ji bo serxistina proseya siyasî ya welat hat kirin.
Serok Bafil Celal Talebanî balkişand li ser berdewamiya gotûbêjan ji bo çareserkirina pirsgirêkan û xebata ji bo vejandina welat di hemû warên cuda de û got ku divê destûr bibe bingehê çareserkirina pirsgirêkan û em hemû ji bo derbaskirina astengan kar bikin. Berpirsiyariya me ya netewî û dîrokî ye ku em jiyaneke bi îstîqrar ji welatiyên xwe re misoger bikin.
Derbarê pirsa hilbijartinên herêmê û parastina mafên neteweyan de, her du alî li ser wê yekê hevfikir bûn ku hemû pêkhate bi rastî nûneratiya xwe bikin û rê nedin ti aliyek li ser navê wan biryarê bide.
PUKMEDIA