Talebanî: Astengiyên li pêşiya hilbijartinan rakin

Nivîsgeha Ragihandinê Qubad Talebanî

Civîna Qubad Talebanî û Klaus Streicher

Alîkarê Serokwezîr Qubad Talebanî bi Serkonsolosê Almanyayê Klaus Streicher re hevdîtin kir, bal kişand ser girîngiya lidarxistina hilbijartinên paqij û adil.
Civîna roja pêncşemiyê 23.02.2023ê li bajarê Hewlêrê hat lidarxistin û rewşa siyasî ya navxweyî  Herêma Kurdistanê hat gotûbêjkirin û Qubad Talebanî amaje bi wê yekê jî kir ku; Ji bo xurtkirina pozîsyona herêmê li hemberî pêşveçunan  divê nakokî bên çareserkirin.
Di beşeke din ya civînê de behsa peywendiyên navbera Hewlêr û Bexdayê hate kirin ,têda  Qubad Talebanî anî ziman ku :Bijardeya me ya yekem û ya dawî rêkeftineke berfireh û demdirêj e, ku di berjewendiya hemû welatiyên Êraqî û Kurdistanî de ye.
Proseya çaksaziyê bi taybetî çaksaziya hêzên Pêşmerge mijareke din a civînê bû . Qubad Talebanî  di derbarê çawaniya pêşdebirina pêngavên çaksaziyê de got; Nabe ku cudahiyên siyasî bandorê li xebatên reformê bike.
Derbarê rewşa herêmê de jî Qubad Talebanî got ku; Divê hilbijartin ji vê zêdetir nehê  paşxistin û bên kirin, lê ji bo zêdekirina baweriya welatiyan bi hilbijartinan, pêwîst e pirsgirêk û astengiyên li pêşiya lidarxistina hilbijartinên paqij û adil bên çareserkirin.
PUKMEDIA