Rabîhe Hemed: YNK berevanê rateqîne a kurdên Feylî ye

Kurdistan 01:36 PM - 2023-02-22

Rabîhe Hemed

Encumena Wezîrên Federal derbarê karûbarên veguhastina qeydên kurdên feylî ji xaneya biyanî bo qeydên welatiyên Êraqî biryar derxist.

Gaveke başe û mafê vedigerîne 

Endama Encumena Serkirdeyetiya Yekîtiya Niştimanî ya Kurdistanê Rabîhe Hemed ji malpera fermî ya Yekîtî PUKMEDIA re ragihand ku ev gaveke başe bo vegerandina maf ji xwedyên maf re.
Got jî : Kurdên feylî welatiyên Êraqî ne pêwîst bû ku ji deme rûxandina rêjîma Baas ve ev biyar bihate standin.

Feylî rastî neheqî û zulmeke mezin hatin

Xanim Rabîhe Hemed dibêje: Kurdên Faylî rastî tawanên derbiderkirin û koçberkirinê hatin, beşek ji wan di gorên komî de hatin binaxkirin û mal û milkên wan jî ji aliyê rêjîma Baas a hilweşiyayî ve hatin desteserkirin.
Û wê got jî: Divê em hemû edaletê ji Kurdên Feylî re pêk bînin ji ber ku ew hemwelatiyên Êraqî ne û qeydên wan nabin nav tomara welatiyên biyanî.

Yekîtiya Niştimanî parêzvanê rast ê mafên Kurdên Feylî ye

Rabîhe Hemed dibêje: Yekîtiya Niştimanî ya Kurdistanê berevankarê rasteqîne yê mafên Kurdên Feylî ye, ji ber ku serokê rihmetî Mam Celal ji bo parastina mafên Feylî gelek xebat kir.
Got jî: Serok Mam Celal di dema serokatîya komarê de karîbû piranîya mafên Kurdên Feylî vegerîne û ofîsek ji bo şopandina mafên Kurdên Feylî ava kir û ofîs di bin serpereştiya Adil Murad de bû.
Û wê berdewam kir: Yekîtiya Niştimanî karî piraniya mafên Kurdên Feylî vegerîne, û ya ku maye biryara veguhestina tomarên wan ji beşa biyaniyan bo beşa welatiyên Êraqî ye.

PUKMEDYA taybet