Peymanên siyasî û prensîbên destûrî dê pirsgirêkan çareser bike

Kurdistan 09:20 PM - 2023-02-14

Civînên Serok Bafil bi serkirde, hêz û aliyên Êraqê re

Serokê Yekîtiya Niştimaniya Kurdistanê (YNK) Bafil Celal Talebanî li Bexdayê dest bi tevgereke din a siyasî kir û serdana serkirde, hêz û aliyên Eraqî yên di qada siyasî de kir û tê de peyam û siyaseta YNKê dupat kir ku yek ji hêzên siyasî yên herî bibandor e ku di biryarên siyasî û rêveberiya Êraqê de cih digire.
Serokê YNKê tekezî li ser çareserkirina pirsgirêkên navbera Hewlêr û Bexdayê, cîbicîkirina rêkeftina navbera aliyên siyasî û parastina mafên destûrî dike.

Hikûmeta Sûdanî çend gavên mezin avêtine

Cîbicîkirina rêkeftina rêveberiya dewletê ji bo kabîneya Sûdanî gaveke girîng e, bi taybetî ku niha hikûmetê çend gavên girîng avêtine.
Endamê Çarçoveya Hemanhengî Aid Hilalî ji malpera fermî ya Yekîtiya Niştimaniya Kurdistanê (PUKMEDIA) re ragihand:“Rêkeftinên li ser hikûmetê di çarçoveya hevpeymaniyê de ji bo birêvebirina dewletê gelek girîng in û pîvanên sereke yên karê hevpeymaniyê ne û hikûmet niha li ser kar dike.
Her wiha got:“Cîbicîkirina rêkeftinê dê bandoreke erênî li ser karê hikûmeta Mihemed Şîa Sûdanî bike, di heman demê de hikûmetê çend gavên mezin avêtine, ji ber wê jî pabendnebûna bi rêkeftinê dê pirsgirêkan ji hikûmeta Sûdanî  re çêbike’’.

Destûr xala dawî ye

Destûr weke xala dawî ya hikûmraniyê li Êraqê tê dîtin û tê xwestin ku pirsgirêkan bi rêya destûrê çareser bike.
Aid Hilalî got:“Hemû hemfikir in ku destûr xala dawî ye ji bo rêvebirin û siyasetê li welat û her xalek ji destûrê ku cudahiya bîr û ramanan hebe, nayê wê wateyê ku çareser nabe’’.
Her wiha got: "Aliyên siyasî dikarin bi rêkeftin û piştgiriya  hikûmetê bi awayekî berfireh baştirîn xizmetguzariyan pêşkêşî welatiyan bikin. Divê em di çarçoveya hikûmeteke yekgirtî de kar bikin bo xizmetkirina welatiyan ji bo rizgarkirina Êraqê ji van pirsgirêkan."

YNK aliyên  Êraqî yekdixe

Çareserkirina pirsgirêkên  navbera Hewlêr û Bexdayê, cîbicîkirina rêkeftina navbera aliyên siyasî û parastina mafên destûrî gaveke girîng tê dîtin.
Parlamenterê Fraksiyona YNKê ya Parlamentoya Êraqê Xerîb Ehmed Mistefa ji PUKMEDIA re ragihand:“Hebûna serokê YNKê li Bexdayê bandoreke mezin li ser partiyan û heta hikûmetê jî kiriye û ji aliyekî ve bûye cihê hevgihîştina bîr û hizban û parastina mafên destûrî ji aliyê din ve.
Xerîb Ehmed got: “Aliyên Êraqî daxwaz ji Serok Bafil kirine ku zêdetir li Bexdayê amade be ji bo alîkarî û piştgiriya hikûmetê ji bo cîbicîkirina rêkeftina navbera aliyên ku hikûmet li ser hatiye avakirin û parastina mafên destûrî bike.
Wî lê zêde dike:"Hemû aliyên siyasî di nivîsandina bernameya hikûmetê de rolek lîstine, ji ber wê jî hamû alî  hikûmeta Sûdanî  weke hikûmeta xwe dihesibînin û YNK jî her dem bûye xala komkirina partiyan ji bo zêdetir xizmetkirina Êraqê."

Rêkeftin di berjewendiya gelê Êraqê de ne

Rêkeftina di navbera partiyan de dê ji hikûmetê re hêsantir bike ku bernameya xwe ji bo xizmetkirina baştir ji xelkê re bi cih bîne.
Şirovekarê siyasî Wasiq Cebrî ji PUKMEDIA malpera fermî ya Yekîtiya Niştimanî ya Kurdistanê (YNK) re ragihand: "Rêkeftinên ku hikûmet li ser hatiye damezrandin gelek giring in û aliyên siyasî jî pabendî wan rêkeftinan in, ji wan jî danîna hin proje yasayan û çareserkirina kirîzên ku di berjewendiya gelê Êraqê de ne."
"Rêkeftin dê karê hikûmetê pêş bixe û ji her kesî re eşkere ye ku piraniya karên hikûmetê berê ji ber nakokiyên siyasî di tengasiyê de bûn," wî got.
Di destpêka avakirina hikûmeta nû ya Êraqê de, YNKê di komkirina nêrînan û lihevkirinan de roleke bibandor list,Serokê  YNKê ji bo cîbicîkirina rêkeftina pêkanîna hikûmetê hewl daye û yekrêziya partiyan û parastina mafên destûrî weke xala serkeftina hikûmeta Sûdanî dibîne.
PUKMEDIA