Serok Bafil: Şêxên terîqeta roleke girîng dilîzin

Ofîsa Rojnamevanî Serokê YNKê

Serokê YNKê û berpirsê Terîqeta Aliye Qadirî Kesnazanî

Serokê Yekîtiya Niştimanî ya Kurdistanê (YNK) Bafil Celal Talebanî, li bajarê Silêmaniyê bi Şêx Nehro Şêx Mihemed Kesnazanî, berpirsê Terîqeta Aliye Qadirî Kesnazanî ya Cihanê re civiya.
Di civînê de behsa kûrkirina ruhê pêkvejiyana aştiyane ya di navbera netewe û civakan de hate kirin û tekezî li ser parastina cihêrengiyan û çanda hevdu qebûlkirinê weke yek ji taybetmendiyên dîrokî yên civaka me hate kirin.
Serok Bafil Celal Talebanî bal kişande ser rol û pêgeha şêxên mezhebê di dîroka Kurdistanê de û hewlên wan ên ji bo berjewendiya giştî û pêşxistina ramana nerm di civakê de. Her wiha got: “Divê em hemû bi ruhekî kurdewarî û însanî ji bo pêşxistin û xurtkirina ruhê jiyana hevbeş û qebûlkirina cudahiyan bixebitin ku taybetmendiyeke kevnar a civaka me ye û em pê şanaz in.
PUKMEDIA