YNK..Pêşniyarên girîng ji bo dabeşkirina kursiyên Parlamentoya Kurdistanê

Kurdistan 01:18 PM - 2023-02-08

Pêşniyarên Hilbijartinan

Yekîtiya Niştimaniya Kurdistanê bi hemû hewlekê dixwaze ku xizmeta pêkhateyên Herêma Kurdistanê bike û mekanîzmekê ji bo dabeşkirina kursiyên wan di Parlamentoya Kurdistanê de pêş bixe û dûrî kontrolkirina aliyên siyasî bike, ev pêşniyar ji aliyê gelek aliyan ve hat pêşwazîkirin.

Pêşniyarên di berjewendiya pêkhateyan de

Şêwirmendê Pêwendiyên Kurdistanê li Yekîtiya NiştimanÎ ya Kurdistanê Tahêr Barzanî ji malpera fermî ya Yekîtiya Niştimanî PUKMEDIA re ragihand: Pêşniyarên Yekîtiya Niştimanî ya Kurdistanê di berjewendiya pêkhateyan de ne û hewl dide xizmeta hemû pêkhateyên Herêma Kurdistanê bike û wan ji bandorên hizbî dûr bixe.

Pêwîste pêkhate nûnerên xwe yên resen li parlamentoya Kurdistanê hilbijêrin

Taher Barzanî dibêje: Tirkman li hemû navçeyên Herêma Kurdistanê hene ne tenê li Hewlêrê ne, lewma divê tenê nûnerên neteweyên xwe bin û ne nûnerên aliyên siyasî bin.
Got jî: Yên niha li Parlamentoya Kurdistanê ne nûnerên rasteqîne yên pêkhateyên xwe ne, belku nûnerên partiyeke siyasî ne. Gelo li Silêmanî û Germiyanê ti tirkmen nînin? Jixwe ew jî hene, lewma divê em derfetên rast ji wan re peyda bikin ku nûnerên xwe hilbijêrin.

YNK dixwaze hilbijartinên Parlamentoya Kurdistanê bi rêya çend dezgehan pêk were

Tahêr Barzanî dibêje: Yekîtiya Niştimanî ya Kurdistanê dixwaze hilbijartinên Parlamentoya Kurdistanê li çend deveran birêve biçe û kursiyên pêkhateyan li ser dezgehan dabeş bike.
Got jî: Dibe rojeka diyarkirî bo dengdana pêkhateyan diyar bike û ev yek jî dê nûneratîya rasteqîne bo wan di parlemantoya Kurdistanê da misoger bike û di roja dengdanê da nabe kaxaz bên tevlihev kirin ji ber ku Tirkman hene li deverên ku ti tirkman lê tunene deng bi dest xistine!Hinek ji wan jî di roja dengdana hêzên ewlehiyê de deng bi dest xistine!

Pêşniyarên Yekîtiya Niştimanî baş in

Kesayetiya Tirkmen Elî Husên di daxuyaniyeke taybet de ji malpera fermî ya Yekîtiya Niştiman PUKMEDIA re ragihand: Pêşniyarên Yekîtiya Niştimanî ji bo piştgiriya pêkhateyên Herêma Kurdistanê pêşniyarên baş in.
Got jî: Pêşniyazên Yekîtiya Niştimanî ya Kurdistanê di berjewendiya pêkhatan û dîtina nûneratiya rasteqîne bo wan di Parlamentoya Kurdistanê de ye.

Yekdestdariya kursiyên pêkhateyan ji aliyê partiyeke siyasî ve

Elî Husên dibêje: Yek ji aliyên siyasî kursiyên pêkhateyan li Hewlêr û Duhokê yekdestdar kir û ew kes e ku xelkê bo van kursiyan destnîşan dike.
Got jî: Yekîtîya Niştîmanîya Kurdistanê pêşnîyazên baş hene bo helbijartinên dahatî yên Parlemantoya Kurdistanê bo nûneratîya rasteqîne ya pêkhateyan, bê kontrolkirina alîyên din.

Pêşniyarên Yekîtiya Niştimanî di berjewendiya pêkhateyan de ne

Kesayetiyê Tirkmen Elî Husên dibêje: Yekîtiya Niştimanî qeyda tomarkirina dengderan ji bo pêkhateyan pêşniyar dike û roja hilbijartinan ya taybet bo dengdana pêkhateyan heye.û bi vê yekê em Tirkmen û pêkhateyên mayî dikarin nûnerên xwe yên resen radestî parlamentoya Kurdistanê bikin.

PUKMEDIA taybet