Encûmena Penaberan a Kurd ji bo ruhê qurbaniyên erdhejê şîn ragihand

Encûmena Penaberan

Encûmena Penaberan a Kurd ji bo ruhê qurbaniyên erdhejê şîn ragihand

Serokê Encûmena Penaberên Kurd li Rojava-Sûriyê Hozan Efrînî bi navê Encûmenê hevxemiya xwe bi malbatên qurbaniyên erdheja ku li herêmên Sûriyê û Rojavayê Kurdistanê rû da, bi taybetî Efrîn û navçeya Jindirêsê ku ziyan dîtine, ragihand. 
Efrînî li ser navê Encûmena Penaberan a Rojava-Sûriyê 3 rojan şîn ragihand û hevxemiya xwe ji bo ruhê  qurbaniyên erdheja ku bû sedema mirina hejmareke zêde ya qurbaniyan û birîndaran, ragihand.
Efrînî amaje bi wê yekê jî kir, ku operasyonên rizgarkirin û lêgerîna kesên winda li navçeya Jinidêrêsê û hin bajarên din ên Sûriyê berdewam in û hin jêderên nêzîkî Encûmenê jî diyar kirin ku hêj hejmarek ji sivîlan li nava bajar de  winda ne.
Ji vir ve em bang li hemû welat û aliyên pêwendîdar dikin ku xizmet û alîkariyên mirovî û bilez pêşkêş bikin û tekezî li ser pêwîstiya destwerdana di operasyonên rizgarkirinê de û alîkariya bilez dikin.
Em peyamekê dişînin ji her kurdekî dilpak û sûriyeyî yê ku êş û trajediyên xwe parve kirine û li vir em dibêjin ku bajarê bedew ê Jindirês bûye bajarekî felaket û divê cîhan di zûtirîn dem de destê alîkariyê dirêj bike, karesat mirovahî ye û divê hemû gel û welat ji aliyê aborî û manewî ve hevgirtina bi birîndarên bajar re nîşan bidin.
Em ji malbatên qurbaniyên vê karesatê re sersaxiyê dixwazin û ji birîndaran re jî şifayê dixwazin.
PUKMEDIA