Qubad Talebanî: Bijardeya me ya yekem û dawî rêkeftineke berfireh û demdirêj e

Kurdistan 01:35 PM - 2023-02-05

Qubad Talebanî û Mihemed Şeya Sûdanî

Yekîtiya Niştimanî ya Kurdistanê tekezî li ser pêwîstiya çareser kirina kêşeyên heyî yên di navbera hikûmeta federal û hikûmeta Herêma Kurdistanê de dike û kar bo dûrxistina debara jiyana welatiyan ji nakokiyên siyasî dike.
Û di çarçoveya hewlên Yekîtiya Niştimanî de ewe ku bi yekcarî kêşeyên mayî çareser bike, daku di paşerojê de dûbare nebin.

Serdana Cîgirê Serokê Hikûmeta Herêma Kurdistanê

Di heyama borî de Qubad Talebanî Cîgirê Serokê Hikûmeta Herêma Kurdistanê serdana paytext Bexdadê kir û ligel berpirsên wê derê civiya bo bi yekcarî kêşeyên heyî çareser bike.
Qubad Talebanî li ser rûpela xwe ya facebookê ragihandiye, bijardeya yekem û dawî ya hikûmetên Êraq û Herêma Kurdistanê rêkeftineke berfireh û demdirêj e ku li gorî destûrê ye û di berjewendiya hemû mezheb û neteweyan de ye. 
Got jî: Di hevdîtinên min yên li Bexdayê de digel serokkomar Dr.Latîf Reşîdû serokwezîr Mihemed Şeya Sûdanîû serokê Encumena Nûneran Mihemed Helbosî û serokê Tevgera Hikme Ammar El Hekîm û Wezîrê Kar û Karûbarên Civakî Ehmed El-Esedî, min ji dil û can banga xurtkirina gotûbêjên me ji bo gihîştina rêkeftinekê di demek nêzîk de kir, nemaze li ser bûdce û qanûna petrol û gazê.
Wî eşkere kir ku êdî ne di berjewendiya ti kes û pêkhateyan de ye ku rêkeftinê paşde bixe, hemû Êraqî û Herêma Kurdistanê jî di nav de daxweza xizmetguzarî û lênêrînê dikin ku rêkeftina tê xwestin jîngeheke dadperwerane ya yasayî ji bo her du aliyan ji bo cîbicîkirina daxwazên xelkê û baştirkirina rewşa xizmetguzariyan.
Got jî: Em hêvîdar in ku peywendîyên Herêma Kurdistanê û Bexdayê bigihin asteke pêşketî, bi taybetî bi geşbînîya ku hikûmeta Êraqê bi serokatîya birêz Mihemed Şiya Sûdanî dilxwaze gelek pirsgirêkan çareser bike.

Serdaneke serkeftî û girîng bû

Parlamentera Yekîtiya Niştimanî ya Kurdistanê Kîlan Qadir di daxuyaniyeke taybet de ji PUKMEDIA re ragihand: Serdana Cîgirê Serokwezîrê Herêma Kurdistanê bo paytext Bexdayê û hevdîtinên wî ligel berpirsan serdaneke girîng e.
Got jî: Serdana Qubad Talebanî di vê demê de gelek giringe, bi taybetî piştî ku biryara Dadgeha Federalî hat dayîn û hat bo yekcarî li ser rûbirûbûna pirsgirêkan.

Pirsgirêk divê bi yekcarî bên çareserkirin

Nûner Kîlan Qadir dibêje: Pirsgirêkên mezin hene ku divê bi awayekî radîkal bên çareserkirin, wek kêşeyên dabînkirina darayî, mûçeyên karmendan û xizmetkirina gelê Kurdistanê.
Got jî: her çi qas peywendiyên di navbera herdu hikûmetan de baştir bin, bê guman dê xizmetguzarî, mûçe û aramî zêdetir bibe û hemwelatî dê li herêma Kurdistanê û Êraqê bi hemû xweşiya xwe bijîn.

Çareserkirina pirsgirêkan û pêşkêşkirina xizmetê

Parlamenterê Yekîtiya Niştimanî li Parlamentoya Kurdistanê Luqman Werdî ji PUKMEDIA re ragihand: Yekîtiya Niştimanî hertim tekezî li ser wê yekê dike ku bi yekcarî kêşeyên heyî çareser bibin.
Got jî: Qubad Talebanî cîgirê serokê hikûmeta herêma Kurdistanê, hewil daye û berdewame jî li ser çareser kirina kêşeyên berdest, pêşkêşkirina baştirîn xizmetguzarî bo hemwelatîyan û rûbirûbûna hemû dosyayên wek petrol, gaz, deverên kêşebar û kêşeyên din bi rêya destûrê.

Hewldana domdar ji bo çareserkirina pirsgirêkên berçav

Parlamentar Luqman Werdî dibêje: kêşeyên heyî di çarçoveya destûra herdemî ya Êraqê de tên çareserkirin û Qubad Talebanî di heyamên borî de geriya û serkirdatiya şandên Herêma Kurdistanê kir û karîbû bigihe rêkeftinan ku alîkariya Herêma Kurdistanê kir.
Got jî: Niha jî hemû hewlên xwe yên siyasî û peywendiyên dualî bo dîtina rêyeke yasayî û çareseriyeke radîkal ji kêşeyan re dike û rê li dûbarebûna wan kêşeyan digre.

Wext e ku pirsgirêkên domdar çareser bin

Nûnerê pêkhateya Feylî Husên Mirdan di daxuyaniyeke taybet de ji malpera fermî ya Yekîtiya Niştimanî ya Kurdistanê PUKMEDIA re ragihand: Dem dema çareserkirina pirsgirêkên di navbera Hikûmeta Herêma Kurdistanê û Hikûmeta Federal de ye ku ji demeke dirêj ve hene.
Got jî: Di heyamên borî de çarenivîsa kêşeyan hebû ku bi awayekî radîkal nehatibûn çareser kirin, divê çareyên dawî ji bo kêşeyên heyî hebin.

Di navbera her du aliyan de berjewendiyên hevpar hene
Nûner Husên MIrdan dibêje: Divê her du hikûmet bigihin rêkeftineke giştî ji ber ku em yek gel in û me di gelek mijaran de destên hev girtîye bi taybetî di şerê li dijî rêxistina terorîst a DAIŞê de û gelek serkirdeyên kurd hene ku li başûr û parêzgehên navendîşerê terorîstan kirine.
Got jî: Her sal ev kêşe derdikevin holê, bi taybetî dema ku bûdceya salane tê pesend kirin, lê kêşe û dozên mezin yên hevbeş hene, û şert û mercên niha rê nade ku ew kêşe bimînin, ji ber ku welatî dê tenê kêşedar bin, bi taybetî piştî bilindbûna nirxê dolar.


PUKMEDIA