Partiya Çep a Kesk a Holandayê pesnê destpêşxeriya serok Bafil dide

PUKMEDIA

Logoy Partiya Çep a Kesk a Holendayê

Partiya Çep a Kesk a Holendayê biryara Yekîtiya Nîştimanî û Serok Bafil Celal Talebanî bo çandina milyonek dar li Herêma Kurdistanê bilind nirxand û ev yek ji bo parastina jîngehê gaveke girîng e.

Ev yek di dema serdana berpirsê desteya peywendiyên derve Serkewt Mihemed Xefur û Bextiyar Bekir nûnerê Yekîtiya Niştimanî li Holendayê û hevdîtina bi (Xîbke Van Xal) cîgira serokê Partiya Çep a Kesk a Holendayê û berpirsa têkiliyên partiyê hat.
Di hevdîtinê de her du aliyan biryar dan ku peywendiyên dostane û serdan di navbera herdu aliyan de berdewam bin, û di çalakiyên herdu partiyan de jî beşdar bin.
Cîgira serokê Partiya Çep a Kesk a Holendayê pêşwazî li biryara Yekîtiya Niştimanî ya çandina milyonek dar li Herêmê kir û piştgiriya xwe ji vê biryarê ragihand û bi gaveke girîng da zanîn.
Şanda Yekîtiya Niştimanî tekez kir ku piştgiriya hêz û aliyên çep dê bibe sedema bihêzkirina çalakiyên hevbeş û daxwaza berdewamiya piştevaniyê ji bo bidestxistina armancên hevbeş ên ku heta niha nehatine bidest xistin rûbirûyê kêşeyên li pêş herêmê bibin kirin.
Partiya Çep a Kesk, partiyeke siyasî ya Hollandayê ku nûnertiya çepên pêşverû yên li Hollandayê dike, di sala 1990 de piştî yekîtiya 4 partiyên çep: PPR, PSP, CPN û EVP, hate damezrandin.
Hejmara endamên partiyê ji 33 hezarî derbas dibe ku piraniya wan ciwan in û di Parlamentoya Hollandayê û Parlamentoya Yekîtiya Ewropayê de wekîlên wan hene, di nava lîsteya Kesk de xebatên xwe pêşkêş dikin û di şaredariyan de jî bi 537 endaman tên temsîlkirin, û posta parêzgarê Amsterdamê ji Partiya Çep a Kesk e, û li Holandayê bingehek wan a mezin heye.


PUKMEDIA