Serok Bafil: Malbata Bahr Ulum her tim piştgiriya Kurdan kiriye

Ofîsa Ragihandinê ya Bafil Celal Talabanî

Serok Bafil bi Îbrahîm Mihemed Behr Ulum re hevdîtin pêk anî

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê pêşwaziya kesayetiyê navdarê Êraqê Îbrahîm Mihemed Behr Ulum kir.
Di civînê de ku kargerê Mekteba  Siyasî Derbaz Kosret Resûl jî tê de amade bû, gotûbêj li ser berfirehkirina hemahengiya çandî û hevkariya di navbera saziya Serok Celal Talebanî û Behr Ulum de hatin kirin.
Her du alî li ser giringiya xebata hevbeş ji bo pêşxistina warên rewşenbîrî û bihêzkirina ruhê  pêkvejiyanê di navbera hemû gelên Êraqê de gotûbêj kirin.
Di hevdîtinê de Îbrahîm Mihemed Behr Ûlûm rola Serok Mam Celal a dîrokî û jibîrnekirî bilind nirxand û got: Malbata Behr Ûlûm rêz û hurmeteke mezin ji helwesta Serok Mam Celal û siyaseta biaqilane ya ku wî dişopîne heye, em kêfxweş in ku Serok Bafil vê siyasetê berdewam dike û hewlên wî yên ji bo aramiya welat bilind dinirxînin.
PUKMEDIA