Serok Bafil: Em li gel paşxistina hilbijartinan nînin

Nivîsgeha Serokê Yekîtî

Serok Bafil digel balyoza Amerîka lî Êraq

Serokê Yekîtiya Niştimanî ya Kurdistanê Bafil Celal Talebanî li Bexdayê pêşwaziya Elena Romanowski Balyoza Amerîka li Êraqê kir.

Di hevdîtinê de her du alî behsa rewşa siyasî û aborî ya Êraqê kirin û tekez li ser çareserkirina pirsgirêkên navbera Hewlêr û Bexdayê kirin.
Serok Bafil Celal Talebanî bal kişand ser pêngavên Yekîtiya Niştimanî bo bidawîanîna pirsgirêkên navbera Hewlêr û Bexdayê û destpêkirina qonaxeke nû ya siyasî û got: Gelê me qurbaniyê sereke yê nakokiyan e û divê ev rewşên nexwestî di zûtirîn dem de werin çareserkirin. Pêwîste lihevhatineke dawî û çareseriyeke radîkal ji pirsgirêkan re were kirin.
Di derbarê rewşa Herêma Kurdistanê û jiyana welatiyan Serok Bafil Celal Talebanî zelalkirinek pêşkêşî Balyozê Amerîka kir û got: Armanca me dabînkirina jiyaneke aram û ewle ji bo gelê me ye û emê hemû hewlên xwe bo wê yekê bidin, jiyan û debara welatiyan di ser her tiştî re ye.
Li ser lidarxistina hilbijartinan di dema xwe de, Serok Talebanî ragihand: Em li gel paşxistina hilbijartinan nînin, lê divê yasaya hilbijartinan were sererastkirin û tomarkirina dengderan were paqîjkirin.

PUKMEDIA