Talebanî hewldanên Almanya bo piştgirîkirina çeksazî û yekxistina hêzên Pêşmerge bilind nirxand

Ofîsa cîgirê serokê hikûmetê

Talebanî hewldanên Almanya bo piştgirîkirina çeksazî û yekxistina hêzên Pêşmerge bilind nirxand

Cîgirê Serokê Hikûmeta Herêma Kurdistanê Qubad Talebanî li Hewlêrê pêşwaziya Tobias Lindner Wezîrê Dewletê li Wezareta Derve ya Almanyayê û şanda li gel kir.
Di hevdîtinê de her du alî behsa rewşa siyasî ya Herêma Kurdistanê û Êraqê kirin û şanda mîhvan baldariya xwe li ser hemahengî û rêkeftina di navbera aliyên siyasî yên Herêma Kurdistanê de tekez kir.
Li ser rewşa Êraqê jî her du aliyan tekezî li ser çareserkirina pirsgirêkan bi rêya diyalogê kirin ji bo parastina aramî û berjewendiyên giştî.
Di beşeke din ya vê hevdîtinê de Qubad Talebanî behsa çaksaziyan kir û hewlên Almanyayê yên ji bo piştevanîkirina çeksaziyê li Wezareta Pêşmerge û yekxistina hêzên wê bilind nirxand.
 Talebanî her wiha amaje bi rola giring a Almanyayê li hemahengiya ligel rêxistinên civaka sivîl bi taybetî di warê nehiştina tundûtûjiya nav malbatê û berfirehkirina azadiya derbirînê kir û daxwaz ji wan kir ku li alîkariyên Herêma Kurdistanê berdewam bin.

PUKMEDIA