YNK daxwaza nûneratiya rasteqîne ya kêmneteweyan li Parlamentoya Kurdistanê dike

Rêportaj 01:38 PM - 2023-01-09

YNK daxwaza nûneratiya rasteqîne ya kêmneteweyan li Parlamentoya Kurdistanê dike

Yekîtiya Niştimanî ya Kurdistanê ji bo ku ji kêmîneyan re nûnertiya rasteqîne li Parlementarê hebe hewil dide, ji bo wê yekê û sererastkirina yasaya hilbijartinên Herêma Kurdistanê ji bo xizmetkirina kêmîneyan gelek qurbanî da.

Hewldaneke mezin ji bo parastina mafên kêmneteweyan

Endama Encûmena Serkirdayetiya Yekîtiya Niştimanî ya Kurdistanê Hesîbe Ebdullah ji PUKMEDIA re ragihand: Yekîtiya Niştimanî bi serokatiya rihmetî Mam Celal ji bo parastina mafên kêmîneyan gelek xebat kir.
Û wê got jî: Serok Mam Celal hertim tekez kiriye ku ew parêzvanê rasteqîne yê mafên kêmîneyan e, û ya ku serok Bafil Celal Talebanî niha dike berdewamiya siyaseta Serok Mam Celal e ji bo berevanîkirin ji mafên kêmnetewan û dabînkirina mafê wan ji bo jiyaneke birûmet û aram ji bo ku ew rêûresmên xwe yên olî di bin sîwana Yekîtiya Niştimanî de bi hemû azadî pêk bînin.

Nûnertiya rasteqîne ya kêmneteweyan di Parlamentoya Kurdistanê de

Hesîbe Ebdullah dibêje: Yekîtiya Niştimanî daxwaz ji kêmîneyan dike ku nûneratiya rasteqîne li Parlamentoya Kurdistanê de hebe û li ser vê mijarê tekez dike.
Wê got jî: Yekîtiya Niştimanî ya Kurdistanê daxwaza serastkirina yasaya hilbijartinan li Parlamentoya Kurdistanê kir daku kursiyên kêmîneyan nebin bin kontrola partiyan, lê kêmîne nûnerên xwe yên rasteqîn hilbijêrin.

Nûnertiya kartonî ya kêmîneyan 

Hesbe Ebdullah tekez dike ku hinek aliyên siyasî kursiyên kêmîneyan kontrol dikin û nûneratiya niha li Parlamentoya Kurdistanê nûneratiyeke kartonî ye ku daxwazên kêmîneyan nîşan nade.
Wê herwiha got em dixwazin nûneratiyeke rasteqîne ya kêmneteweyan li Parlamentoya Kurdistanê hebe, daku daxwazên xwe diyar bikin, pirsgirêkên xwe di nava Parlamentoya Kurdistanê de bînin ziman û xizmeta navçeyên ku kêmnetewe lê dijîn.

Daxwaza dabînkirina mafên kêmneteweyan

Parlamenterê Yekîtiya Niştimanî ya Kurdistanê li Parlamentoya Kurdistanê Ebdul Nasir Ehmed ji PUKMEDIA re ragihand: Yekîtiya Niştimanî heta niha jî parêzvanê rasteqîne yê mafên kêmîneyan bû.
Got jî: Kêmnetew divê nûneratîya rasteqîne li parlemantoya Kurdistanê hebin daku bi azadî daxwaza mafên xwe bikin û arîşeyên xwe bilind bikin.

Nûnertiya rast a hindikayiyan

Parlamenter Ebdul Nasir Ehmed dibêje: Em daxwaz dikin ku nûneratiya rasteqîne ya kêmîneyan di Parlamentoya Kurdistanê de hebe, lê mixabin hinek alî hene ku li dijî vê yekê ne.
Got jî: hindek alîyên sîyasî hene ku nûnerên kêmîneyan bo serxistina pirojeyên xwe yên hizbî bikar tînin û nûnerên kêmîneyan jî niha li gor berjewendîyên wan partîyan kar dikin.
Got jî: nûnerên kêmîneyan divê nûnerên rasteqîne yên pêkhatên xwe bin, ji ber ku niha ew nûnerên rasteqîne yên pêkhateyên xwe ne û herwiha azad nînin ku biryarên xwe bidin.


PUKMEDIA