Serokkomar civînên li Besrayê dawî anî

Serokkomar li Besrayê

Êvariya çarşemî Serokkomar Dr.Ebdulletîf Cemal Reşîd  bi şandeke wezîran re ku ji Wezîrê Tendirustiyê Salih Mehdî El Hesenwî, Wezîrê Jîngehê birêz Nizar Mihemed Seîd , Wezîrê Çavkaniyên Avê Aoun Diab Abdullah, Wezîrê Elektrîkê birêz Ziyad Elî Fadel, Wezîrê Enerjiyê birêz Ziyad Elî Fadel, Cîgirê Wezîrê Petrolê birêz Kerîm Xettab û parlamenter  Dr.Aso Ferîdûn pêk diahatin ,serdana avahiya parêzgariya Besrayê kir û bi parêzgar birêz Esed El-Eydanî û endamên hikûmeta herêmê re civiya, herwiha bi hejmarek ji şêx û navdarên eşîrên parêzgehê û rêveberên navçe û dezgehên xizmetguzariyê re civiya li walîtiyê.
 Di hevdîtinê de, cenabê wî kêfxweşiya xwe ji bo serdana Besrayê û kombûna xelk û berpirsên wê ji bo guhdarîkirin, nêrîn û hewlên wan ji bo başkirina rastiya bajêr û çareserkirina pirsgirêkên wî derbirî û diyar kir ku hikûmet bi bernameya xwe ve, ji bo çareserkirina pirsgirêkên welatiyan li hemû parêzgehan, başkirina şert , mercên jiyanê ,xizmetguzariyê , pêkanîna ewlehî û aramiyê eleqedar e.
Serok Ebdulletîf Cemal Reşîd tekezî li ser pêwîstiya bihêzkirina aramiya ewlehî û mercên siyasî li parêzgehê kir ji bo handana tevgera veberhênan û sektora taybet, û da zanîn ku Besra paytexta aborî ya Êraqê ye û hemû pêkhateyên wê hene ji bo wê yekê jî, bi sedema cihê xwe yê cografî û jêderên mirovî û neftê û taybetiyeke wê jî heye, ji ber ku deriyê deryayî yê Êraqê ye.
Cenabê Serokkomar her wiha di çarçoveya gera xwe ya li parêzgehê de serdana Dîwana Pêdaçûnê ya Besrayê kir û bi serok û endamên dadgehê re civiya û li ser kar û xebatên dadgehê agahdarî hat kirin. Serok gotarek pêşkeş kir û tê de pesna rola dezgeha dadweriyê di danîna prensîbên dadwerî û serweriya yasayê de ji bo bihêzkirina îtîbara dewletê û bidestanîna mafa kir û destxweşî li hewlên saziya dadweriyê kir ya  dadwerên Besrayê û xîret û dilsoziya wan di pêkanîna erkên xwe de.
Serokkomar behsa giringiya parêzgeha Besrayê û pêgeha wê kir û pêdagirî li ser wê yekê kir ku bi pêşxistina rastiya wê ya xizmetguzarî li gor daxwazên welatiyan. Herwiha tekezî li ser pêwîstiya parastina aramiya ewlehiyê kir, ji ber ku ev yek sûdeke mezin di başkirina rastiya aborî ya parêzgehê de heye.
Paşê cenabê wî serdana zanîngeha Besrayê kir û li gel serokê zankoyê, dekan û kadirên fakulteyan û hejmarek ji xwendekaran civiya. Wî destkeftên giranbuha yên zanîngeha Besrayê di warên curbicur de bi dest xistine, nirxand. Wî her wiha guhdarî ravekirineke berfireh li ser kar û planên paşerojê yên zanîngehê kir.
Serokkkomar di gotarekê de ku li zanîngehê pêşkêş kir, amaje bi wê yekê kir ku serdana wî bo Besrayê ji bo dîtina şert û mercên wê, dîtina pêkhateyên curbicur ên wê û guhdarîkirina pirsgirêkên wan tê.
Cenabê wî balkişand li ser wê yekê ku erkê rayedarên hikûmetê ye ku ji bo derbaskirina aloziyan û çareserkirina pirsgirêkên bajêr kar bikin û amaje bi wê yekê jî kir ku pirsa avê yek ji giringtirîn pirsgirêkên Besra û Êraqê bi giştî ye. Li wir tekezî li ser pêwîstiya parastina samanên avê, bi rêgirtina rêbazên nûjen ên avdanê, rakirina destdirêjiyên neqanûnî li ser ava çemên Dîcle û Firatê, û xebata ji bo vejandina golan bi hewleke hevbeş di navbera Wezareta Çavkaniyên Av, Plandanîn û Darayî de, kir ji bo wê pêdivî û budceya pêwîst dabîn bike.
Cenabê Serok her wiha li nexweşxaneya taybet a perwerdehiya zarokan ya Besrayê jî lêkolîn kir û bi kadroyên pizîşkî re hevdîtin pêk anî û li nav beşên nexweşxaneyê gerî û serdana beşa nexweşiya penceşêrê ya zarokan kir û li wir guhdariya rêveberê nexweşxaneyê û karmendên tenduristiyê kir, pêdiviyên ji bo peydakirina dermankirinên cihêreng ji bo nexweşên penceşêrê, û hejmarek pêşniyarên ku dê karûbarên bijîjkî pêşve bibin gohdar kir.
Cenabê Serok tekezî li ser pêwîstiya hewildan û hevkariyê ji bo dabînkirina hemû pêdiviyên Bijîşkî û dermanan ji bo nexweşxaneya ku xizmetguzariyê pêşkêşî nexweşên Besra û parêzgehên din dike, kir û amaje bi pêwîstiya giringî bi dayîna sektora tenduristiyê kir di baldarî û şopandinê de ji ber girêdana wê ya nêzîk bi jiyana welatiyan re.
Serok li parêzgeha Besra serdana stasyona avdanê ya El-Bîda, pirojeya paqijkirina avê ya El-Ebbas kir û li wir bi rêveberê stasyonê û hejmarek ji endezyar û pisporan re hevdîtin pêk anî û guhdariya şirovekirina berfireh li ser karê stasyonê û şiyana berhemanîna wê kir, pêdiviyên welatiyan di peydakirina ava vexwarinê de peyda bikin.
Serokkomar  têkez kir ku parêzgeha Besra li cem me û dilê Êraqiyan ezîz e û ji bo ewlehiya Êraq û gelê wê gelek qurbanî dane û daxwaza avakirina kargehên zêde yên ava şilkirinê ji bo dagirtina kêmasiyên heyî û misogerkirina wê yekê kir ku  Êraqî xwedî ava ewle û paqij bin.
PUKMEDIA