Li ser êrîşa firokeyên bê firokevan lêkolînek despê kir

Arşîv

Kêlgeha gaza Kormorê

Lekolîn despê kir li ser bûyera ku Demjimêr 18:50 îro Înê 26-4-2024, pêk hat ku di encama du êrişên balafirên bêmirov ên li ser kêlgeha gazê ya Kormorê li başûrê Kurdistana Iraqê, 3 Yemenî hatin kuştin û 4 kesên din jî birîndar bûn.

Li gorî PUKMEDIAyê, êrişê heman cihê êrişa berê kiriye armanc û depoyeke gazê ketiye û agir pê ketiye û bûye sedem ku berhemanîna gazê û hinartina gazê ji zeviyê berhemanîna elektrîkê rawestîne û di encamê de nêzîkî 2500 megawat elektrîk kêm bûye.

Çavkaniya balafirên keşfê nayê zanîn

Ji aliyê din ve qaymeqamê navçeya Çemçemal Ramk Ramazan jî wiha got: “Tîmên hawarçûnê niha lêkolînê li ser bûyerê dikin û heta niha jî çavkaniya firokeyên bê firokevan nayê zanîn.

YNKê: Emê hemû hewlên xwe bidin ji bo cezakirina berpirsên êrişê

Ji aliyê din ve, Fraksiyona YNKê li Parlamentoya Iraqê di daxuyaniyekê de êriş şermezar kir û got: “Pêwîste Hikûmeta Federal û Hikûmeta Herêma Kurdistanê bi erka xwe rabin û li hember vê tawanê bêdeng nemînin û lêkolîneke rasteqîn bikin û tedbîrên pêwîst bigirin, berpirsên vê tawanê bên eşkerekirin û  dadgehkirin û piştrast bikin ku êrîşên bi vî rengî dubare nebin.”
PUKMEDIA