YNK pesnê biryarên Talebanî yên piştevaniya xwendekaran dike

Yekîtiya Niştimaniya Kurdistanê tekez kir ku biryarên Bafil Celal Talebanî ji bo piştevanîkirina xwendekarên zanîngehê û peymangehan gelek erênî ne û pir pirsgirêkan çareser dike.

Yekîtiyî di daxuyaniyekê de ragihand: Ji aliyê hesta berpirsyarî û erkên niştimanî ve û piştî xwepêşandanên ku xwendekarên zanîngehê û peymangehan ji bo daxwaza mafên xwe derketin, Bafil Celal Talebanî heşt demjimêran bi nûnerên xwendekarên zanîngan re civiya.
 Bafil Celal Talebanî bi baldarî guhê xwe da daxwazên xwendekaran û soz da wan ku piraniya daxwazên wan li ser hesabê Yekîtiya Niştimaniya Kurdistanê cîbicî bike û di berjewendiya xwendekaran de 11 biryar derxist û bi taybet jî avakirina xwendingehan beşên navxweyî, dabînkirina pêdiviyên xwendekaran, danîna torên Înternetê ji bo wan û peydakirina otobusan ji bo veguhestina xwendekaran, bi taybetî yên ku li derveyî bajaran dijîn.

Daxiyaniyê amaje bi wê yekê jî kir ku: Em wek Fireksiyona Yekîtiya Niştimaniya Kurdistanê li Encûmena Parêzgeha Silêmaniyê spasî û pêzanînên xwe pêşkêşî birêz Bafil Celal Talebanî dikin û  ji bo pêngavên wî yên girîng, ku dê geşepêdaneke baş bide rêya xwendina bilind û bi pêşxistina proseya xwendinê li parêzgeha Silêmaniyê.

PUKmedia