Dergûşa Medan

Helbestvan Welîd Xelîl

Kurdistan ….

Warê Serok Mam Celal…
Elî Eskerî…
Mame Rîşe
Leyla Qasim e…

Di tênivîsên xwendingeha xwe de
Li ser mêza xwe, li ser daran
Li ser Berfê çiyayên Hawarê ya Efrîn ,Ezmer ,Sefîn
Agrî û Zagrosan
Li ser dîwarên Kelha yên Kerkûk...
Hewlêr...
Amed...
Nebî Hûrî...
Dimidim yên serfiraz
Di paytexta dilê xwe navê te dinivîsim

Kurdistan

Warê Şêx Seîdê Pîran…
Seyîd Riza…
Zerîfe û Elî Şêr…
Mezlûm û Egîd…
Bêrîvanan e…

Li ser rûpelên Spî yên paqij
Li ser pelên darên Zeytûn yên Efrînê
Li ser kevir, xwîn, kaxez, an xwelî
Ez navê te dinivîsim;

Kurdistan

Warê Qazî Mihemed…
 Simokoyê Şikak..
Rustemê Zal e.

Bo wêneyên Zêrîn
Bo top û tifingan
Ji bo xatira evîna Mem û Zîn
Ez navê te dinivîsim

Bo dengê zarokekên bê guneh
Bo dayîkên xwedawendên geşbîn
Navê te dinivîsim..

Kurdistan

Warê Arîn Mêrkan…
Şêx Meşûq Xeznewî ye.

Bo golên teze yên bi Heyvê ronîkirî
Bo zevî û asoyan
Bo baskên Kevok û çûkan
Bo pepûleyan...
Ez navê te dinivîsim

Bo her bêhna hêvî ya sibehê
Li ser çiyayên azad
Ez navê te dinivîsim…

PUKMEDIA