Herbijî Birêz Parêzgar

Letîf Nêrweyî

Tenê salek li ser temenê rêveberiya nû ya Kerkukê derbas bûye, ku parêzgarê wê salek berê di rewşek pir dijwar û di rewşek bê aramiya îdarî, ewlehî, siyasî û xizmetguzarî de dest bi kar kiribû, wê demê, çavên dost û neyaran li ser Kerkûkê bûn, hindek ji wan bi awayekî erênî û gelek ji wan jî bi awayekî neyînî xeyal ji bo pêşeroja bajêr dikirin,lewra bi awayekî babetiyan e, tenê salek di ser dest bi karkirina berpirsekî hikûmetê re derbas bûye, demek gelekî kêm e ku nirxandinek lojikî û zanistî ji bo ast, jêhatîbûn, serkeftin yan têkçûna berpirsekî bê kirin, gelo parêzgarê nû yê Kerkûkê çawa ye, ku ji aliyê hindek partiyên Kurdistanî û hindek pêkhateyên din ve ji bo pêkanîna bername û pilana parêzgar rastî gelek astengiyên dirustkirî hatiye.

Di rastiyê de, van hêzan hewl didan ku bi hemî şiyanên xwe yên medyayî, siyasî û bangeşeyê, bi riya medyaya fermî û medyaya ne fermî, li Kerkûkê raya giştî ya neyînî biafirînin, ji bo ku cemawerê Herêma Kurdistanê û tevahiya Îraqê, bi taybetî cemawerê Kerkûkê, bidin bawer kirin ku parêzgarê Kurd nikare tiştekî bike, û dê parêzgarek bê desthilat û bê destkeft be! Ji bo vê mebestê, çi ji destê wan dihat kirin daku rêveberiya nû ya Kerkûkê di dawiyê de têk bidin; li hemberî vê rewşê, Birêz parêzgar ne tenê dev jê erkê xwe berneda, lê bi vîn û baweriyek xurt û bi xwe bawerbûn,bi piştgiriya siyaseta xwe ya jîrane û bernameya hizba xwe, dikarî di nav kêmtirî salekê de serê xwe û hizba xwe bilind bike; û dilê cemawerê bajarê xwe şad bike,û dikarî di warê aramî û xizmetguzariyê de karekî baş bike ku her kes ji Silêmanî yan Hewlêrê bigire heta Kerkûkê, ku ew dizane bi bê cudakarî çi xizmetên mezin ji bajêr re hatine pêşkêş kirin,ew dizane çi guhertin hatin e kirin û bajêr di warê rêveberî, rê, paqijî, qîrtakirina kolanên sereke de çi pêşketin çêkiriye, betonkirina kolanên taxên bajêr, zêdekirina rêjeya keskkatiyê bi çandina daran û çêkirina baxçe û parkên nû,û çêkirina pir û riyên binî (Underpas),ronahîkirina kolanên sereke, nehêlana bê aramiya ewlehiyê li bazgehan û li nav bajêr de dûrxistina hêzên serbazî ji nav taxan, û ji hemû girîngtir, vegerandina baweriyê bi hevre karkirin û jiyana hevbeş di navbera pêkhateyên bajêr de.

Rû bi rûbûn û kêmkirina diyardeya gendeliyê û gelek destkeftiyên din karek kiriye ku ne tenê dost, hevalbend û hevrêbazên wê, belku pêşbazên wijdanî jî nikarin xwe ji şahidiya vê rastiyê dûr bigirin û bi riya medyayê bêjin: Aferîn Birêz Rêbwar ji bo gelek guhertin û xizmetên ku we di nav kêmtirî salekê de kirine,di dema kêmtirî salekê de dikarî piraniya sozên hizba xwe cî bi cî bike, serkirde, kadir û rojnamevanên YNKê yên li Kerkûkê bi riya medyayê û di civînên xwe de dibêjin: Ew tiştên ku me di bangeşeya Civata parêzgeha Kerkûkê de gotibûn::Me li ser destê parêgarê xwe yê disoz di dema yekê salê de me cî bi cî kir û me selimand ku YNKê xwedanê rasteqîne yê Kerkûkê ye; û dê berdewam be jî li ser heman rêbaz û heman karwanê xizmetkirinê.

Di salvgera derbazbûna salekê li ser destbikarbûna Parêzgarê Kerkûkê de, mafê hevalên YNKê heye ku bi serbilindî pîrozbahiyê bikin; û Herbijî Birêz Parêzgar,berdewam be û em ê jî wekî her carekê piştgiriyê bidin te.
 
 PUKMEDIA