Salar Mehmûd: Mam Celal xala kombûna hêz û aliyan bû

Salar Mehmûd

Endamekî Serkirdayetiya YNK`ê di gotarek xwe de ya bi boneya salvegera destbikarbûna Serok Mam Celal wek yekem Serok Komarê Kurd yê Êraq`ê ragihand ku Mam Celal di dema têkoşîna xwe de pêşengê herî navdar yê gelê Kurd e û xala komker yê hêz û aliyên Kurdistanî yên parçeyên din yên Kurdistan`ê bû.

Salar Mihemed Endamê Serkirdayetiya Yekîtiya Nîştimaniya Kurdistan`ê di gotarek de bi navnîşanê (Kurdistana Êraq`ê bi rêberayetiya Serok Mam Celal ji dîktatoriyetê rizgar bû) ku di beşê (Bîr û Ra) ya Malpera PUKMEDIA de belav bûye ragihand ku, Mam Celal rêberayetiya şoreşa rizgariya netewî ya gelê Kurdistanê ber bi azadiyê kir, ji bo gihandina azadiyê, hilweşandina dîktatoriya li Êraq`ê û avakirina desthilatdariya parlemaneke demokratîk, di têkoşîna xwe de pêşengê herî binavûdeng yê Kurd bû û xala komker yê hêz û aliyên Kurdistanî yên li parçeyên din yên Kurdistanê jî bû.

Salar Mehmûd got: Mam Celal dahênerê teza piştevaniya parçeyên din yên Kurdistanê ye, di dîroka Kurdan de gelek rêberên navdar hebûn, lê serdema serokatiya Serok Mam Celal serdema herî dijwar ya têkoşîna çekdarî û siyasî bû,wî karibû karwanê azadî û rizgariya Başûrê Kurdistan`ê birêve bibe û di destûra bingehîn a Êraq`ê de weke herêmeke federal bê naskirin.

Ji bo xwendina gotarê bi giştî li vir bikirtînin.

PUKMEDIA