Rêbaza Serok Mam Celal û Kerkûk û Kerkûkiyan

Dr.Şîlan Fethî Hemewendî

Kerkûk di dema borî û niha de bûye qeleha Kesk ya Kurdayetî û YNK`ê û her ji roja damezerandina xwe ve Kerkûk di stratejiya têkoşîna YNK`ê de xwedî cihekî taybet e, eşkere ye ku çi kes bi qasî Serok Mam Celal xemxwarê Kerkûk û Kerkûkiyan nebûye û çi hêzeke siyasî jî bi qasî YNK`ê berevanî li li nasnameya Kurdistanîbûna wê ne kiriye, bê guman Kerkûk ya Kurdistan`ê û YNKê ye û ew wek yek laş û yek ruh lê hatiye.

Rêbaza Serok Mam Celal û xwendingeha Kesk ya Kurdayetiyê ji bo Kerkûk û Kurdistan`ê di rêza herî pêş ya tekoşîna dûr û dirêj ya tevgera rizgarîxwaza gelê Kurd de bû, di serdema rejîma Be`is de eger YNK û Pêşmergeyên wê yên qehreman û mêrxasiya xelkê wî bajarî nebûna, Be`is bi temamî Kerkûk dihat bi Erebkirin û çi mohreke Kurdî li ser nedima, lê ne Be`is û ne jî çi kesên din jî nikare vê xewna niha û paşerojê pêk bîne, heta ku YNK bihêz be û Serok Bafil Celal Talebanî rêya Serok Mam Celal bidomîne.

Piştî referandumê û 16ê Cotmeh`ê Kerkûk bo demekê hat bi Erebkirin, lê di Hilbijartinên Civata Parêzgehên Êraq`ê de, YNK`ê Kerkûk careke din wergirt û bi riya parêzgar û projeyên xwe û kûrkirina giyanê bihevre jiyanê, Kerkûk roj bi roj kesktir dibe, Kerkûk niha di destê emîn ya YNK`ê Kurdan de ye û tê avedankirin.

Hevalên serkirdayetiya YNK`ê bi taybet heval Aso Mamend endamê mekteba siyasî û serpereştyarê Kerkûk- Selahedîn, wek xwendekarekî xebatkarê riya Mam Celal, siyaseta YNK`ê li bajêr xiste kirdar û serdana xelkê ji hemû pêkhateyan dike, baregehên YNK`ê bi xizmetkirin û guhdarîkirina gel û hevalên ji nû ve ava dikin û bi şev û roj di nava gel de ne, pirsgirêkên wan çareserkirin û ji bo çareseriyê jî zarok, jin, zelam,xwedan pêdawîstiyên taybet û her kesê ku pêwîstiya wan bi YNK’ê hebin, ew wek serkirdeyekî axê guh didin daxwaziyên wan, lewra ew serkirde bûne cihê baweriya xelkê.

YNK`ê çi caran ji xelkê dûr neketiye, ewê serkirde dikin cî bi cîkirina siyaseta YNK`ê bi awayekî kirdarî ye ji bo xizmeta xelkê, YNK`ê hizba dema bangeşeya hilbijartin û soza bê kirdar nîne, belku wek Serok Bafil dibêje: (Tiştê Ez Dibêjim Cî bi cî Dikim).

PUKMEDIA