Rêgirî li peyama Îmraliyê

Dr.Edalet Ebdulah

Rêveberê Partiya Tevgera Neteweperest (MHP) Baxçelî, di 22 Oktobir sala borî de bombeyek siyasî teqand û daxwaz kir ku Ocelan PKK hilweşîne û çekan deyne di berdêla vê de jî divê çewisandin bê rakirin û ji bo serbestberdana wî qanûnek bê dîtin û yekitî û biratiya neteweyî pêk were û ji bo bidawîbûna tundiya 40 salan li welat hêviyek nû derkeve holê.

Ew hêvî û umêd êdî heta radeyekê bûye rastiyek, li hundir û derveyî Tirkiyê tevgerên dîplomatîk derxistiye hole. Dadgehê Tirkiyê 4 sal qedexeya serdanên parêzerên dozê ji bo serdana Îmraliyê rakir û Enqere bi xwe jî alîkariya serokên DMP partî û siyasetmedarên din ên kurd li Tirkiyê kir ku ji bo bidawîkirina terorê û çareseriya aştiyane asankariyê bikin. Di van tevgeran de bi kurdên Rojava û Başûrê Kurdistanê re jî şêwirîn ku gîştiye qonaxekê ku bi rêya Îmraliyê peyam ji gelên Tirkiyeyê re bê belav kirin ku ew peyam bibe nexşerêyek ji bo destpêkirina çareseriyeke aştiyane û bidawîkirina şerê çekdarî yê kurdên bakur.
 
Tiştê ku tê zanîn ewe ku tevî dijberiya hin partiyên netewperest ên tirk û hin saziyên çapemeniyê jî niha prose li benda umêd û du dilî û gumana berdewam de ye, îro li Tirkiyê hemû çav li ser Îmraliyê ye ku peyamê belav bike, lê vê care astaniyeke din derketiye hole. Wezîrê Dadê yê Tirkiyê Yalmaz Tonç bûye pirsgirêkeke nû. Ew dibêje ku di qanûnên welat de ewe tuneye ku sûcdar bi peyamên vîdyoyî biaxive. Li gor tiştê ku duh li medyayên Tirkiyê belav bûne de Tonc dibêje: Peyama vîdyo li dijî yaya ye, deng û rengê Ocalan ku digihêje civaka Tirk, Kurd û Elewiyan li dijî qanûnên me ye.

Ev helwesta nû hinek gumanan dixe ser pêvajoya aştiyê li Tirkiyê. Ger Baxçelî rêveberê partiyek neteweperest  ku li dijî doza pirsgirêka kurd, di wê baweriyê de ye ku divê kurd hembêz bikin û Ocalan bikeve nav parlemanê û ji wir peyama xwe bide. Niha ger destûr neyê dayîn ku peyam bi vîdyoyê were weşandin jî dê guman zêde bibin.

 Hevserokê DEM’ê Tuncer Bakirxan, her çendî rasterast bi wezîr re rexne lê kiriye û li medyayên Tirkiyê belav bûye, lê nihe ev astengî li pêşiya peyama Îmraliyê weke pirsgirêkeke yasayî bûye ,lê pirsiyaek heye Gelo dewleta Tirk li pişt vê astengiyê ye, an jî şîroveya Wezîrê Dadê hêjayî nirxandinê ye?

PUKMEDIA