Dîmenên trajîk ên Colemêrgê û qanûna şikeftê

Logoya YNK'ê û wêneyên şehîd Hisên Babaşêx, Elî Eskerî û Dr. Xalid

Amadekar Arêz Husên
Beşa şeş û dawî
Trajediya Colemêrgê bi dawî nayê, dema ku serkirdayetiya demkî canê şervanan dirûnê, lê dîmenên trajîk ên vê karesatê, çend şax in, ku her yek ji wan trajediyek bi serê xwe û rûpelek reş e di dîroka komê de.
Dîmenên karesatê ji me re vedibêjin ku Kemal û hevalên wî gelek evîndarê şikeftê bûn, ji ber ku bi rastî li gorî yasayên şikeft û daristanê bi derdora xwe re tevdigeriyan û ji şikefta ku tê de Braîm Azo û hevalên wî şehîd ketine, ku tenê yek ji wan birîndar bû û careke din hat girtin û şehîd xistin heta gihêşta şikefta Colemêrgê.
Em fêm nakin ka çi mantiqê şikeft û dadgehê  tînin  cem hev. Şikeft û dadgeh  li ku ne? Şikeftek ku tenê bizinek dikare bigihîje, hakim çi ye û çeka dadgehê çi ye? Ev der cihê dadgehê ye, yan cenawir û qanûna daristanê?.
Di fîlmên kevn ên li ser çanda Roma û Serdema Navîn de jî, dema ku dijberên xwe îdam dikirin, mirovan dicivandin û li ber çavan dihatin darizandin û îdamkirin, lê ne di şikeftan de di bin hukmê Qaraquş de.
Rêheval Cebar ku pêşmergeyê dêrîn û yek ji rizgarbû û girtiyên meşa Colemêrgê ye, dîmenan ji Dengê Gelê Kurdistanê re vedibêje û li ber çavê Kemal û hevalên wî behsa cesaret û dijwariya şehîdan di dema girtina wan de dike.Dema ku Şehîd Elî Askerî ji Kemal re got: “Em li ber destê te ne, tu çi bikî, em hatine ji bo milletekî şer bikin, em nehatine şerê te bikin, mixabin tu durist nebû ji ber ku me berê hişyarî dabû te.’’
Herwiha behsa talankirina hêzên YNKê ji aliyê eşîret û grûpên bi alîkariya serkirdayetiya demkî kir û got   Saeta Şehîd Elî Askerî di destê Kemal de bû.
"Wan em di nava gundên herêmê re dîl birin. Li ser kafir û ateîzmê ew qas buxtan belav kirin ku gel bi tif û lingan li me xistin’’.Rêheval Cebar got.
Rêheval Cebar di axaftina xwe ya Radio Gali Kurdistan de  got ku hinek ji şervanên serkirdayetiya demkî ji şermê nizanin çi bêjin, hinekan digiriyan, hinekan jî kilavên xwe yên sor guhertin û kilavên reş kirin sere xwe.
Ev Pêşmergeyê kevin got:“Eger gotina wan dadgeh bûya, diviyabû dengên xwe ji bo dîrokê tomar bikirana. “Rast e me awayê şehîdkirina şehîdan nedît, lê me agahî girt ku dest û lingên wan girêdayî bi RBG’an şehîd bûne. Ji ber ku her roj me ew di odeyekê de li serê girekî li ser şikeftê didît, piştî ku şehîd dibûn sê rê li ber me didan, yan bikujin yan jî bibin şervanên Rêbertiyê,yan teslim bûn. Em birin ser ava sînor û ji me re cewaba caşeyê Mergasurê şandin, dema ji avê derbas bûn ceş hatin û yekser em radestî navenda leşkerî kirin.”
Her wan pêyîwendi bi caşeyan re kirin, neçarkirina wan hevalên girtî  ji bo piştgiriya  Pêşmerge û nehiştina rêyeke din ji bilî teslîmbûnê û hemahengiya bi caşeyên Mergasûrê re, derewên Kemal Kerkûkî nîşan dide ku dibêje, YNK bi piştgiriya   Iraqê hatiye ku rêveberiya demkî têk bidin.