Sûriye di navbera du çareseriyan de ye: siyasî yan leşkerî
Nêrîn 11:32 AM - 2023-08-06
Sûriye di navbera du çareseriyan de ye: siyasî yan leşkerî
Fethullah Huseynî
Diyare ku ji ber rewşa aloz a Rûsiya û Ukrayna, berdewamiya
şer bêyî agirbest, israra Îran û Rûsyayê li ser pêwîstiya nêzîkbûna navbera Şam
û Enqereyê de û fişara çaralî li ser hêzên Amerîkî yên li Sûrîyê hene, ku ev
yek jî wek hemû encamên kongireya Astana ya borî, aloztir dike, amadekariyên
lidarxistina kopiya nû ya konferansa Astanayê dîsa bi lez û bez dimeşin.
Li gorî rojnameya El-Exbar a Lubnanî, serdana wezîrê karên
derve yê hikûmeta Şamê bo Tehranê wek bersivek li hember gurbûna nekokiyên
hevpeymaniya Rûsiya û Amerîkayê li esmanê Sûriyê hat û bal kişand ser gefên
El-Miqdad ji aliyê Tehranê bo hêzên Amerîkî li Sûriyê ve. Rojnameyê amaje bi wê
yekê jî kir, ku El-Miqdad di şûna wezîrê Aborî û Bazirganiya navxwe de
serokatiya şanda Sûriyê dike wek ku berê biryar li ser hatibû dayîn. Vê serdanê
di dema nekokiyên meydanî û siyasî di dosyaya Sûriyê de ji bilî nerîna aborî
nerîneke siyasî jî lê zêde kir, bi taybet î ku Îran û Şamê xwedî peywendiyên
stratejî û dîrokî ne û rola Îranê di nexşeya Sûriyê de girînge û hewlwesta wê
derbarê rewş de zelal e.
Piştgiriya Rûsiya bi xurtkirina rola Tirkiyê li Sûriyê,
Şamê dixe pêşiya du çareseriyan, Yekem: Şam hebûna leşkerî ya Tirkiyê qebûl
dike, piştî dagîrkirina heft bajarên Sûriyê bi pejirandina Rûsiya, Duyem:
qebûlkirina Beşar Esed li ser lihevkirina bê şert û merc bi Recep Tayyîp
Erdogan re li ser hesabê nêzîkbûna Ereban û vebûna ji Şamê re.
Li gorî gotina jorê, Ereban Şamê weke piştevaniyek projeya
xwe dibînin, tevî ku wan di dema şerê wê yê kujer de bi tenê hîştibûn, ku roleke
nerênî di kirîza Sûriyê de lîstin û temenê wê dirêj kirin, xelkê wê koçber
bikin û erdnîgariya wê talan bû gelên Sûriyê ji çarenivîsên ne diyar re hîştine,
heta roja îro. Ev yek jî ji ber ku di dema niha de çareseriyeke siyasî ya zelal
li ber çavan nîne, ligel amadekariyên ji bo lidarxistina konferansa
"Astana nû" ku aloziya Sûriyê kûrtir dike bi taybet li Rojhilata çema
Furatê ku di bin kontrolala Rêveberiya Xweser de ye û Hêzên leşkerî
hevpeymaniya navdewletî ya bi serokatiya Amerîka.
Tevî ku şandên Astana di konferansên berê de di encamnameyên
xwe de tekezî li ser pabendbûna bi serwerî, serxwebûn û yekparçeyiya axa Komara
Sûriyê kirin, lê çavên xwe ji wê yekê re girtin ku Sûriye welatekî pirneteweyî,
û mezheb û olî ye, û divê ew ne dewleteke mezhebî be, lê belê demokrasiyeke
piralî be, wek ku berê ji aliyê Encumena Ewlekariya Neteweyên Yekbûyî ve hatibû
piştrastkirin, ev pêşniyar di yekemîn konferansa ku di navbera aliyên sûrî de
li Cinêvê hat lidarxistin, pesend kir.
Ji ber vê yekê di dawiyê de tu çareseriyeke leşkerî li Sûriyê
nemaye û li gorî cîbicîkirina tam a biryara Encûmena Ewlekariyê ya 2254,
spartina çareseriya siyasî herî baş e.
PUKMEDIA
zêtir bibînin
-
Komîsyonê ji %90ê amadekariyên hilbijartinan temam kirine
12:02 PM - 2024-05-04 -
Qubad Talebanî: Mirina çend endamên komeke çiyageran em hemû xemgîn kir
10:53 PM - 2024-05-03 -
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02
zortrin xwendraw
-
Kurdistan û Pêwîstiya Hilbijartinê
Nêrîn 05:27 PM - 2024-05-04 -
Komîsyonê ji %90ê amadekariyên hilbijartinan temam kirine
Kurdistan 12:02 PM - 2024-05-04 -
Serok Bafil diçe Amerîka
Kurdistan 05:42 PM - 2024-05-04 -
Talebanî ji Amerîkayê re: Paşxistina hilbijartinan zirarê dide Kurdistanê
Kurdistan 04:23 PM - 2024-05-04 -
Şandeke YNKê li Dubey girêbestên çandinî û veberhênanê îmze dike
Kurdistan 08:32 PM - 2024-05-04 -
Endamekî komîteya darayî: Pirsa bibankkirina mûşeya karmendan tê çareserkirin
Kurdistan 12:18 PM - 2024-05-05 -
72 hejmara heftaneya dîjîtal a Îngilîzî hat weşandin
Cîhan 09:41 AM - 2024-05-05