كارتر: ئه‌مریكا هاوكارییه‌كانی بۆ ئۆپۆزسیۆنی سوریا فراوانده‌كات

ئاشتۆن كارتر

ئاشتۆن كارتر وه‌زیری به‌رگری ئه‌مریكا ئه‌مڕۆ 7-7-2015، له‌به‌رده‌م كۆنگرێسی وڵاته‌كه‌ی رایگه‌یاند: تائێستا نزیكه‌ی 60 كه‌س له‌ئۆپۆزسیۆنی سوریا له‌لایه‌ن ئه‌مریكاوه‌ مه‌شقیان پێكراوه‌و بۆ شه‌ڕ دژی تیرۆرستانی داعش.

وتیشی: له‌ هه‌وڵداین بۆئه‌وه‌ی هاوكاری پشتگیرییه‌كان بۆ ئۆپۆزسیۆنی سوریا زیاتر و فراونتربكه‌ین، به‌رنامه‌ش له‌به‌ده‌ستدایه‌ له‌ توركیاو ئه‌رده‌ن ساڵانه‌ 5 هه‌زارو 400 كه‌س له‌ ئۆپۆزسیۆنی سوریا مه‌شق و راهێنانیان پێ بكه‌ین و ئاماده‌یان بكه‌ین بۆشه‌ڕ دژی داعش.

هه‌روه‌ها وتی: پێویسته‌ وڵاتانی هاوپه‌یمانی نێوده‌وڵه‌تی دژی داعش پێكه‌وه‌ هاوكاری ئه‌مریكا بكه‌ن بۆ له‌ناوبردنی ئه‌و رێكخراوه‌ تیرۆرستییه‌له‌ ناوچه‌كه‌دا. 

PUKmedia رۆیته‌رز